بقلم
غادة كريم
إزاي تعيشي الحياة صح؟
12:00 ص - الجمعة 16 ديسمبر 2016
بقلم : غادة كريم
مصممة افراح كلمتني عندها فرح والعرسان طلبوا شمعي بالاسم قلتلها يشرفني وفرحت جدا
شرحت الفكرة قلتلها شمعة سادة بسيطة تشترى شمع من مصنع توفري كتير وممكن اديكى التليفونات، قالتلى هما مصممين على اسمك انتى، قلتلها طب متفقين أختارى من تصميماتى وأنا معاكي
قالتلى هدفعلك ضعف الفلوس وهنا نقطة انطلاق المعركة !!
قلتلها أخد ضعف الفلوس ليه اذا كنت بقولك الصح وماشتغلتكيش وقلتلك تجيبيه منين، قالتلى يا ستى بقدر اسمك، قلتلها يبقى تاخدى من شغلي، انا مش مكنة صب أنا بقالى سنين بعمل الاسم اللى حضرتك طلبانى عشانه .. علشان يبقى مختلف ولو عايزة أفتح محلى تانى هكسب فلوس اكتر بس هبطل شغل بمزاج وهبطل ستين حاجة بحبها بيتى وعيالي والكتابة والفن .. هبقى مكنة بجد، انا مبسوطة كده
قالتلى ممكن اسألك بعيدا عن الفرح انتى بتشتغلى ليه لما بترفضى شغل بضعف تمنه ؟!
قلتلها علشان عندى حلم، بعمل حاجة بتخلينى جزء من فرح عريس وعروسة مش شمعة واترمت على طرابيزة
كل حاجة بعملها بتبقى جزء من حياة الناس بعملها بحب وبيبقوا أصحابى بعدها وحلم انى أبقى نجمة الصناعة واعمل كتاب و يترجم و يبقى في حاجة اسمها مصممة شموع مصرية أنا بسافر ادى كورسات بره مصر وببقى فى قمة سعادتى وفخورة
قلتلها عندك ولاد قالتلى ثلاثة قلتلها ماشاء الله وبتشتغلى كام ساعة قالتلى طول النهار قلتلها والعيال !! قالتلى فى شغالة وسواق ومدرسين بقعد معاهم فى الاجازات، اتصدمت !! قلتلها بصى هسألك اربع أسئلة ماتجاوبيش عليهم بس فكرى فيهم ..
امتى اخر مرة قعدتى مع ولادك طبختى وادفيتوا على كنبة واحدة منكوشين تصورا صورة بالموبيل ؟
امتى اخر مرة خرجتى اتعشيتى مع جوزك ورحتوا سينما ؟
امتى اخر مرة شفتى امك ؟
امتى اخر سمعتى مزيكا او قريتى كتاب ؟
الست قالتلى وافكر ليه انا معنديش وقت لكل ده انا واحدة من اكبر مصممين الافراح كل الصعبنيات دى متخصنيش انا بنجح عندى اسم وفلوس ولادى فخورين بيا وجوزى طبعا ..قلتلها اه عندك مخ بس ماعندكيش روح و فى يوم من الايام مش هيبقى عندك صحة وهتندمى أن ولادك كبروا من غير ذكريات وعمرك عدى عشان حسابك فى البنك يزيد، وجوزك في الغالب بيخونك أو تعيس .. السعادة احساس اشتغلى زى ما انتى عايزة بس مش على حساب اللى بتحبيهم ولا روحك وسعادتك أنك عايشة
قالتلى اسفة انتى كائن خيالى جدا ياغادة شبه دكاترة الامراض النفسية ومدربين اليوجا عموما فكرى فى العرض ودى رقمى وهما قالولى عليكى مجنونة بس انا مصدقتش فرصة سعيدة :D
قفلت وقعدت افكر هو انا صح انى بحاول يبقى عندى روح والشغل مايخلنيش مطحونة وتعيسة ولا الست صح و الشغل لازم أقبله حتى ولو مش عاجبني
انا بعشق الستات الناجحة اللى بتشتغل بس تعرف فى النهاية تبقى ام وزوجة و انسانة و بكره تماما النمط الانانى المهمل لكل شىء الا شغله قالتلى خيالية عاملة زى مدربين اليوجا قال .. انا ملحقتش اقولها أنى بكتب مقالتين اسبوعيا و بروج للفكر ده بقوة لكل الناس.
مصممة افراح كلمتني عندها فرح والعرسان طلبوا شمعي بالاسم قلتلها يشرفني وفرحت جدا
شرحت الفكرة قلتلها شمعة سادة بسيطة تشترى شمع من مصنع توفري كتير وممكن اديكى التليفونات، قالتلى هما مصممين على اسمك انتى، قلتلها طب متفقين أختارى من تصميماتى وأنا معاكي
قالتلى هدفعلك ضعف الفلوس وهنا نقطة انطلاق المعركة !!
قلتلها أخد ضعف الفلوس ليه اذا كنت بقولك الصح وماشتغلتكيش وقلتلك تجيبيه منين، قالتلى يا ستى بقدر اسمك، قلتلها يبقى تاخدى من شغلي، انا مش مكنة صب أنا بقالى سنين بعمل الاسم اللى حضرتك طلبانى عشانه .. علشان يبقى مختلف ولو عايزة أفتح محلى تانى هكسب فلوس اكتر بس هبطل شغل بمزاج وهبطل ستين حاجة بحبها بيتى وعيالي والكتابة والفن .. هبقى مكنة بجد، انا مبسوطة كده
قالتلى ممكن اسألك بعيدا عن الفرح انتى بتشتغلى ليه لما بترفضى شغل بضعف تمنه ؟!
قلتلها علشان عندى حلم، بعمل حاجة بتخلينى جزء من فرح عريس وعروسة مش شمعة واترمت على طرابيزة
كل حاجة بعملها بتبقى جزء من حياة الناس بعملها بحب وبيبقوا أصحابى بعدها وحلم انى أبقى نجمة الصناعة واعمل كتاب و يترجم و يبقى في حاجة اسمها مصممة شموع مصرية أنا بسافر ادى كورسات بره مصر وببقى فى قمة سعادتى وفخورة
قلتلها عندك ولاد قالتلى ثلاثة قلتلها ماشاء الله وبتشتغلى كام ساعة قالتلى طول النهار قلتلها والعيال !! قالتلى فى شغالة وسواق ومدرسين بقعد معاهم فى الاجازات، اتصدمت !! قلتلها بصى هسألك اربع أسئلة ماتجاوبيش عليهم بس فكرى فيهم ..
امتى اخر مرة قعدتى مع ولادك طبختى وادفيتوا على كنبة واحدة منكوشين تصورا صورة بالموبيل ؟
امتى اخر مرة خرجتى اتعشيتى مع جوزك ورحتوا سينما ؟
امتى اخر مرة شفتى امك ؟
امتى اخر سمعتى مزيكا او قريتى كتاب ؟
الست قالتلى وافكر ليه انا معنديش وقت لكل ده انا واحدة من اكبر مصممين الافراح كل الصعبنيات دى متخصنيش انا بنجح عندى اسم وفلوس ولادى فخورين بيا وجوزى طبعا ..قلتلها اه عندك مخ بس ماعندكيش روح و فى يوم من الايام مش هيبقى عندك صحة وهتندمى أن ولادك كبروا من غير ذكريات وعمرك عدى عشان حسابك فى البنك يزيد، وجوزك في الغالب بيخونك أو تعيس .. السعادة احساس اشتغلى زى ما انتى عايزة بس مش على حساب اللى بتحبيهم ولا روحك وسعادتك أنك عايشة
قالتلى اسفة انتى كائن خيالى جدا ياغادة شبه دكاترة الامراض النفسية ومدربين اليوجا عموما فكرى فى العرض ودى رقمى وهما قالولى عليكى مجنونة بس انا مصدقتش فرصة سعيدة :D
قفلت وقعدت افكر هو انا صح انى بحاول يبقى عندى روح والشغل مايخلنيش مطحونة وتعيسة ولا الست صح و الشغل لازم أقبله حتى ولو مش عاجبني
انا بعشق الستات الناجحة اللى بتشتغل بس تعرف فى النهاية تبقى ام وزوجة و انسانة و بكره تماما النمط الانانى المهمل لكل شىء الا شغله قالتلى خيالية عاملة زى مدربين اليوجا قال .. انا ملحقتش اقولها أنى بكتب مقالتين اسبوعيا و بروج للفكر ده بقوة لكل الناس.
تابع بوابة روزا اليوسف علي
جوجل نيوز
