عاجل
الخميس 28 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي
بابا نويل

بابا نويل

بقلم : محمد دويدار

ويا بابا نويل ماتجيش بلليل ، أصل الناس فى بلادنا خلاص كِرهوك ، كانوا تملي بيستنوك وانت بتوعدهم إنك جاي وتملي بتطلع نساي! 



أيوه صحيح كنا عيال بس الاحلام ملهاش سن ، ماهو إنتَ كمان كنت صُغَير بس بدقن !

كنا تملي بنكتب ورقه بترتيب أمانينا وكانت فِى ورقتي الجنه هيه العنوان ، وشوية احلام هبله بسيطه زيينا يمكن اكبرها أكون فنان ، كانوا اصحابي يقولوا عليا عبيط إكمني يعني مطلبتش منك زعابيط ولا عمري حلمت بزمامير وحصان ..

بُص يا بابا فِى ضهر ورقتى هتلاقي بخط صُغيرمكتوب عيان إكمني من صُغري مريض حتي فى يوم العيد !!!

عارف إنك مَاقرِتشي ولا جِتشيِ من يومها تزورني بس بقولك ..ماتجيش اصلي مَاخَفِتشي وقلبى لساه بيوجعنى وكل مابكبر احلامى بتكبر وافضل اسهر واسهر واكتب شعر وامنيات يمكن تييجى فى يوم تقراها ..وأنقِل احلامي معايا من سنه فاتت للى وراها ، ولسه يا بابا بكتب جَنه ولسه بتمنى ...ولسه بحلم احلام مشروعه يمكن اكبرها عيالي تتهنا وافضل استني واستني إنك تيجى ما تجيش ! ونعيش .. وتعيش حكاياتك جوانا وفينا ونفهم إنك اكبر كدبه كدبوها علينا اهالينا علشان نفضل دايما نحلم زى ماحلموا قبلينا ، علشان نفضل دايما نصبر مهما ماجاش بنويل والحدوته واما بنكبر مابنلقاش او بنلاقى احلام مكبوته

اصل الحدوته مش حلوه ومش ملتوته ، الحدوته ان نويل لسه ماجاش

او جه بطريقه مش مظبوطه !!!! 

تابع بوابة روزا اليوسف علي
جوجل نيوز