بوابة روز اليوسف

بوابة روز اليوسف

21 اغسطس 2017 - 39 : 21   Facebook   Youtube  RSS
بوابة روز اليوسف
رئيس مجلس الإدارة
عبد الصادق الشوربجي
رئيس التحرير التنفيذي
عبد الجواد ابوكب
البنك العربي الافريقي الدولي

جت فى السوستة

10 اغسطس 2017



محمد دويدار
بقلم : محمد دويدار

جروب "جت فى السوسته" للى مايعرفوش ده جروب معمول عالفيسبوك للرجال فقط , بينمو ويتزايد وينتشر اسرع من الخلايا السرطانيه لحد ما قرب عالمليون فى فتره قصيره جدا .. فى البدايه كانوا بيضيفونى فيه وكنت بخرج منه ويرجع حد يضيفنى وأخرج وهكذا لحد ماقررت استمر واشوف بيعملوا ايه دون مشاركه .. اما السبب اللى كان بيخلينى اخرج فهما الحقيقه اكتر من سبب اولهم العنصريه بتاعت للرجال فقط لكن للحق اكتشفت انها ممكن تكون ميزه لان اعضاء الجروب كلهم داخلين بدون نية "الاستهبال" ودى آفة الفيس بوك يعنى هتضمن انك مش هتلاقى حد بيتمنظر بكلام يفقع عشان يلم المزز عليه ودى فى حد ذاتها بتدى مصداقيه للجروب .. تانى مشكله عندى هي اسم الجروب ..ايوه بصراحه ماكنتش مستوعب ايه فكرة اسم جت فى السوسته وكان بيضرب معايا شمال علطول وبقلق واحط ايدى على اماكن محرجه كل مابقرا اسمه لكن للحق الاسم الغريب ده كان سبب فى الانتشار ويحسب لهم التميز بغض النظر عن افكارى السافله .. تالت سبب هي فكرة ان لو انت عضو معايا فى الجروب فانا هعملك خصم كبير وهساعدك وهقف جنبك وهخرجك من السجن وهوصلك ببلاش و بلا بلا .. طب ما انا مصرى زيك ومحتاج مساعده وبستنجد بيك بس للاسف ماعنديش نت ومش عالجروب ؟ لا ماعرفكش انا بساعد بس اللى معايا فى الجروب !! .. طبعا الفكره دى فى حد ذاتها كانت مسببالى شوية قلق ونرفزه لكن مع الوقت اكتشفت ان احنا عموما اتربينا على كده يعنى الدكتور بيخدم زمايله الدكاتره اكتر شويه والسواق يقف فى الشارع لو لقى سواق زيه بيتخانق وممكن مايقفش لو لقى مواطن عربيته بتولع وهكذا كل واحد فينا له دايره صغيره عليها اهتمام خاص اكتر من الدايره الاعم والاكبر .. فعادى يعنى ان جروب ينمى شعور الانتماء والتآخى مابين اعضاءه بس ويخليهم متماسكين ومتعاونين دى بدايه مبشره مش هتضر حد ولعل الدوله تقدرتعمل زيهم على نطاق اوسع وتخلى المجتمع كله بالروح دى لان الحقيقه ده دور الدوله مش دور الجروب !

اخيرا ربنا يسترها عليهم وعلى الادمنز بتوعهم بالاخص فعلى الرغم انهم اعلنوا اكتر من مره انهم مالهمش دعوه من قريب او بعيد بالسياسه ولا بالدين وفعلا بيبعدوا كل البعد عن اى نقاش ممكن يسبب فتن وجدل الا ان فكرة التجمعات الشبابيه العملاقه فى حد ذاتها قد تكون مقلقه نوعا ما وخصوصا اذا كانت سريه ولا يجوز لاى حد غير الاعضاء الاطلاع عليها ومشاهدة محتواها .. فربنا يكملها معاكم بالستر وحاولوا تركزوا لان انتو دلوقتى اكيد تحت المجهر وغلطتكوا بألف يا شطار .... استمروا يا سوستجيه وبالنجاح والتقدم يارب دايما .





التعليقات



اخر مقالات للكاتب

  • الأكثر قراءة
  • إخترنا لك
  • احدث المقالات
  • الاكثر قراءه
مركز الاورام جامعة المنصورة
كينج إم
مستشفي جلوبال كير