بوابة روز اليوسف

بوابة روز اليوسف

17 اكتوبر 2017 - 2 : 19   Facebook twitter Youtube  RSS
بوابة روز اليوسف
رئيس مجلس الإدارة
عبد الصادق الشوربجي
رئيس التحرير
أيمن عبد المجيد

البنك العربي الافريقي الدولي
المونديال

منافع ٣٠ يونيو وواجباته

29 يونيو 2013



عيسى جاد الكريم
بقلم : عيسى جاد الكريم

إذا كنت ستقرأ هذا المقال  لنهايته فاحسسى انك من مؤيدى النزول لخلع مرسى والاخوان ونظامهم الفاشي من الحكم  وان كنت من رافضى النزول فعلم ان بداخلك إخوانى او متطرف دينى صغير وان تعاطفك مع مرسى والشاطر وبديع وشلة المتطرفين هى من منعتك من النزول .

 
تعالوا نتحدث عن خطوات الاستعداد 
١- من الان حدد مع أصدقاءك وعائلتك واقربائك اللى ناوووين ينزلوا المظاهرات الأماكن اللى ناوووين تنزلوا فيها بالظبط ونقطة الالتقاء عشان متهوش من بعض حتى لو الاتصالات انقطعت او الشبكات مجمعتش نتيجة الزحام (يعنى فى شارع كذا قرب محل كذا او محطة كذا اى علامة مميزة )
الأحسن  تستخدم المواصلات العامة او تركب انت واصحابك عربية وحدة توفيرا للنفقات والبنزين  وأركنها فى مكان امن بعيد عن اى اشتباكات محتملة لا قدر الله 
٢- جهز شنطة هاند باج  ظهر فيها احتياجاتك الضرورية ( كاب -شمسية -علم مصر _ مروحة يدوية بتتباع بجنيه ودواءك ضغط سكر  للمرضى ( شفى الله الجميع ) وأكل يكفيك يومين على الاقل -جبنه مثلثات بلاش نستون _لانشون _كيك _بسكوت بالسكر  ملح عشان تعوض العرض والاملاح  وليمون عشان ضربات الشمس ولان قعدة المظاهرات ممكن  تطول 
٣- من الان حط زجاجتين فى الفريزر عشان تاخد زجاجات ثلج سهل انك تضيف عليها مية عادية من اى حنفية وتشرب وتعيش يا معلم  وتوزع كمان على زملائك المتظاهرين 
٤-  خد دوش كويس قبل ما تنزل من البيت  يا عالم هتستحمى امتى تانى لو الاعتصام طول والنبى  تحط برفان ولو معندكش اشترى لك حتى كيس بخمسين قرش مش عاوزين نقفل المتظاهرين من ريحة العرق سواء فى زحام الموصلات او زحام المظاهرات وعشان يبقى كل المتظاهرين اللى معارضين لمرسى مميزين بريحتهم الحلوة .
٥-  بعد ما تشحن موبيلاتك  بالبطاريات الاحتياطى وانت نازل من البيت  اقفل كل لمبات الكهرباء تصور لو ١٠مليون نزلوا وكل واحد وفر ٦٠ واط كهرباء   فى ٨ ساعات يعنى هنوفر ما يقرب من ضعف انتاج السد العالى  يعنى هنخفف الاحمال عن محطات الكهرباء وعن الشبكة  الكهربائية
٦- أقفل محبس المية كويس وانت نازل  تصوروا هنوفر مية قد ايه يعنى برضه حل عملى لمواجهة نقص المياة وكمان سد النهضة .
٧- التزم بسلمية المظاهرات وحدد شعاراتك ولا تشتت مجهودك  الشباب دائما يكونوا فى مقدمة المظاهرات للمواجهة لقدر الله كبار السن على الأطراف والسيدات فى تجمعات آمنة  والستات اللى مش هتقدر تنزل يعلقوا علم مصر او على الاقل ينزلوا يقفوا امام منازلهم .
 
على المستوى الشخصي للفرد  
اللى عاوزين يعملو رجيم ويخسو لفك فى المظاهرات هيسيح الدهون اللى عليك يا معلم 
وكمان اللى نفسه يبقى مغنى برضه الهتاف فى المظاهرات هيسلك لك احبالك الصوتية ويخليها مية مية .
ويسقط يسقط حكم المرشد




التعليقات



اخر مقالات للكاتب

انتصارات اكتوبر
  • الأكثر قراءة
  • إخترنا لك
  • احدث المقالات
  • الاكثر قراءه
كينج إم

مستشفي جلوبال كير