بوابة روز اليوسف

بوابة روز اليوسف

30 ابريل 2017 - 21 : 1   Facebook   Youtube  RSS
بوابة روز اليوسف
رئيس مجلس الإدارة
عبد الصادق الشوربجي
رئيس التحرير
عبد الجواد ابوكب
البنك العربي الافريقي الدولي

محروس الميكانيكي الصغير:"نفسي أطلع ظابط وأقبض ع الحرامية"

16 يوليو 2014 - 53 : 15



كتبت : أسماء مصطفى

طفل بالرغم من ان الدنيا لم تعطيه الكثير ليفرح الا ان ابتسامته لا تغيب

هذا الطفل هو " أحمد محروس " يعمل صبى ميكانيكى لمواجهة الحياة و كسب قوت يومه فجعلته مصاعب الحياة رجلًا بالرغم من صغر سنه ..
ازيك ؟! اسمك ايه ؟!
كويس ، اسمى احمد
عندك كام سنة ؟!
امى بتقولى انى عايش بقالى 8 سنيين
عندك اخوات ؟!
اه عندى ستة
اشتغلت من وانت عندك كام سنة ؟!
كان عندى 5 سنين .
اشتغلت ليه و انت صغير كده ؟!
ظروفنا صعبة ابويا و امى بوابين و اخواتى بيشتغلوا علشان يصرفوا على نفسهم فقررت انا كمان اشتغل و اصرف على نفسى و اساعد ابويا فى مصاريف البيت .
بتروح المدرسة بقى و لا سبتها علشان تشتغل ؟!
لا بروح المدرسة  .
طيب انت دلوقتى بتشتغل فى الاجازة بس ، و لا بتشتغل كمان ايام الدراسة ؟!
لا بشتغل لما باجى من المدرسة بعد الضهر .
طيب و بتذاكر امتى بقى ؟!
بذاكر بالليل و ساعات بذاكر هنا فى الورشة لما بيكون وقت فاضى مافيهوش شغل .
صاحب الوارشة بيعاملك  ازاى ؟!
بيعاملنى كويس هو وولاده بس ساعات بيزعق فيا لما بغلط .
 
طيب انت بتعمل ايه يوم الاجازة بتاعتك؟!
بصحى بدرى و بنزل العب مع صحابى فى الشارع علشان يوم الحد بس هو اليوم اللى بلعب فيه .
بتفطر فين بقى فى رمضان هنا ولا فى البيت ؟!
لا انا بفطر فى المائدة .
مع و اخواتك ووالدك ووالدتك ؟!
لا بيفطروا فى البيت .
طيب انت ليه بتفطر فى مائدة ؟!
علشان اخلص اكل بسرعة و العب شوية صغيرة قبل ما ارجع الشغل .
عايز تطلع ايه بقى لما تكبر؟!
انا عايز ابقى ظابط و اقبض على المجرمين و الحرامية و احافظ على بلدى و احمى اهلى .
          

 







التعليقات



سيعجبك أيضاً

  • الأكثر قراءة
  • إخترنا لك
  • احدث المقالات
  • الاكثر قراءه
مستشفي جلوبال كير