بوابة روز اليوسف

بوابة روز اليوسف

31 مارس 2017 - 37 : 0   Facebook   Youtube  RSS
بوابة روز اليوسف
رئيس مجلس الإدارة
عبد الصادق الشوربجي
رئيس التحرير
عبد الجواد ابوكب
البنك العربي الافريقي الدولي

كنزى أصغر مذيعة مصرية: نفسى أمثل مع عمو هنيدى

22 يوليو 2014 - 0 : 12



حوار : هاجر سمير

"كنزى"  طفلة صفيرة لايتعدى سنها العشر سنوات ..ولكنها تمتلك  موهبة فنية  كبيرة .. اكتشفتها والدتها المخرجة بالفضائية المصرية .. وعندما شاهدها محمود عبد السلام رئيس الفضائية  ونائبة وليد التاجى قرروا بالاستفادة من موهبتها لتقدم برنامج يومى على الشاشة واطلقوا عليه "أحلي الأوقات مع كنزى" .

وبرعت فى الحوار مع النجوم الشباب وكانت اولى حلقاتها مع  الفنان عمرو رمزى  وعملت دويتو  تمثيلى هائل  .. ليثبت انها معجونة تمثيل
 
بوابة روزاليوسف  حاولت ان تقدم لها تهنئة خاصة بنجاح برنامجها ..وتجرى معها حوار عن تجربتها وأحلامها .
كنزى ..عندك كام سنة
 
انتى بتحبى التمثيل ؟
قوى  ..انا مهوسة به ..ودايما  اقلد  الممثلين  ..وأحفظ أدوارهم ..
 
وياترى بتحبى دراستك زى التمثيل ؟
طبعا ..بذاكر كويس ..ومامى وبابى بيساعدونى ..وعلسشان اكون ممثلة  مشهورة الناس تحترمنى ..لازم اذاكر واقرأ كتير
علشان مخى يشتغل ..وأعرف اتكلم مع الناس
 
برنامجك مع كنزى ..حقق لك شهرة ؟
بصراحه أه ..الناس حبتنى  قوى ..واصحابى وزميلى ..بيقولوا عليه ممثلة شاطرة  ..وبيقعدوا يسألونى انتى بتمثلى ازاى
حتى جيرانى  صقفوا ليه وقالوا برافو ياكنزى
 
ايه اللى حبتيه فى البرنامج ؟
ضيوفه ..وتمثيلى معاهم ..وحسيت اننى مثلت مسلسل رمضانى مش برنامج ،وكمان  كل الضيوف حبونى
ووعدونى انهم  هياخدونى فى اعماله ..علشان انا موهوبه  وشاطرة وذكية
 
مين  كان بيدربك على  التمثيل ؟
مامى ..قبل كل حلقة  كنت اذاكر الدور وامثله لها ..علشان كده البرنامج  نجح لانه  تمثيلى كان طبيعى
وانا الحمدلله اقرأ الحلقة  واقدم وامثل دون  غلط ..الا حاجات بسيطة قوى
 
بتتفرجى  على المسلسلات  الرمضانية ؟
بتفرج على بعضها .. وبصراحة فيه مسلسلات  مش حلوة خالص   لانها بطلع مصر وحشة ..ومصر أم الدنيا لازم نقدمها فى الفن  حلوة على طول
 
بتشوفى  برامج الاطفال ..ولا بتزهقى منها ..؟
بالعكس برامج الآطفال فى رمضان حلوة جدا  ..وعجبنى مسلسل  عمو محمد هنيدى  ..سوبر هنيدى دمه خفيف  لانى بحبة قوى ..  ونفسى أمثل معاه ..وكمان ابلة فضيلة على الفضائية المصرية  وصوتها جميل وهى بتعلق على الحواديت .. وعجبنى قوى  مسلسل قصص الحيوانات فى القرآن   لجدو يحى الفخرانى ..واستفد منه  وعرفت حاجات عن الحيوانات مكنتش اعرفها ..وكمان قصص الانبياء  وكمان طفل من الصعيد
 
انت شايفة ان برامج الاطفال ..لازم نهتم بها ؟
طبعا لانها  مهمة جدا  لسنى ..وبستفيد منها فى المعلومات ..وبتشجع على المذاكرة  واحترام الكبير  ..وعلى النظافة ..وحب الوطن ..وفعل الخير وبتقول نصايح مهمة زي اننا منشربشي حاجات ساقعة لانها بتجيب هشاشة عظام
بس بصراحة محدش بيهتم بها ..وبيعتبروها مش مهمة  ..علشان كده الأطفال بيتفرجوا على مسلسلات الكبار
 
نفسك  تكونى زى مين فى التمثيل ؟
بحب فيروز  وشقاوتها ..وكمان هى بتمثل وتغنى وبتعمل كل حاجة ..عفريته ..ونفسى ابقى زيها بس بشخصيتى
 وماما يسرا فنانة كويسه قوى و الفنانة ليلى علوى بصراحة كلهم
 
بتحلمى بايه ؟
بحلم انجح فى دراستى والتمثيل ..وأعمل فيلم للأطفال علشان مصر مفهاش فيلم واحد  يحكى عننا
وأشوف مصر مفهاش ارهاب ولا عساكر بيموتوا ..علشان هما بيحمونا  وبيحافظوا على البلد ..و السيسى ينجح زيي برضه لانى بحبه






التعليقات



سيعجبك أيضاً

  • الأكثر قراءة
  • إخترنا لك
  • احدث المقالات
  • الاكثر قراءه
مستشفي الرواد للعيون

مستشفي جلوبال كير

الصفحة الرسمية لصندوق مكافحة وعلاج الإدمان والتعاطى