مسحور بحبك
بقلم : إسلام وهبان
عيون الشمس بتفتح
فيتخفى بحياء البدر
فيا بلادي بلاش تتغري بالمظهر
خيوط الحق مغزولة وراح تظهر
ولو كل اللى وصلوا الحكم غموكى
فارجوكى
تشقي بقلبك الصافي طريق النور
انا مسحور
وسحرك حب رباني
واسمك ضي قراني
بلف وادور واقول مليت وبكفاية
وبرجع بفدي بدمايا عيون رملك
ومش بملك في ارضك الا احساسي
وحراسي بقى سلاحهم في راس ابنك
وسابوا عدوك الاصلي يعاديكى بكيف راسي
انا قاسي
لانى بقول كتير انك هتحمينى
اتارينى
مراهن والرهان محسوم لسجانك
وكل الحق متبدل على لسانك
يا مصر ازاي بتئويهم وفيتانا
وبيعانا ببلاش للموت وسليانا *
يا هبة النيل انا ليلك
انا الزحمة اللى بتخلي الخلايق تسعى وتجيلك
وروح الفجر ع الناصية وسبيل الخير
انا قنديل بنور كل اراضيكى بمشكاتى يا مولاتى
يا ريت نظرة بجوف قلبك كده ع الجار
وشوفي ازاى كتير منهم اهان الدار
انا محتار
وقلبي بحبك اتوهج واصبح نار
فبترجاكى تكونيلي
وتفرشي ارضك الفيروز جنان لابني
واشوف فيكى شباب مخلوق عشان يبني
جوجل نيوز
