بوابة روز اليوسف

بوابة روز اليوسف

28 مايو 2017 - 17 : 22   Facebook   Youtube  RSS
بوابة روز اليوسف
رئيس مجلس الإدارة
عبد الصادق الشوربجي
رئيس التحرير
عبد الجواد ابوكب
البنك العربي الافريقي الدولي

حبيبة خالد : أصغر رواد الصالونات الثقافية ..مشروع أديبة

26 سبتمبر 2014 - 29 : 15



حوار:ميرنا الحنفي
 
"كان في بنت بتحب مامتها جدا ، وبتروح معاها في كل مكان ، كل ما تخرج مع مامتها تيجي تكتب قصص جميله ، ومره مامتها مشيت وسابتها ، فقعدت تعيط ، وبعد شويه ، رجعت لها وقالت لها بتعيطي ليه ، قالت علشان مشيتي وسبتيني لوحدي ، قامت مامتها اخدتها معاها راحوا الحفله ورقصوا وغنوا ورجعوا فرحانين"
كتبت حبيبة خالد (7سنوات ونصف) هذه الحدوته بتعبيرها بعد حضورها حفل إفتتاح أول صالون ثقافي خاص بروزاليوسف في حضور مجموعة من المبدعين والشعراء ، وبهذا تعتبر حبيبة من أصغر رواد الصالونات الثقافية المنطلقة حديثا في مصر لدعم الشباب فهي من ضيوف صالون الإثنين النصف شهري في المجلس الأعلي للثقافة وغيرها من الفعاليات الفنية والثقافية، ومع حبيبة وعنها  دار هذا الحوار:
 
إزاي بتعرفي تكتبي قصة؟
بكتب من نفسي ، بفكر وأكتب الي يجي في نفسي ، بفكر في الكلمات اللي ممكن تعمل قصة وأكتبها .
 
مين خلاكي تحبي تكتبي؟
بشوف ماما تكتب وعلشان كده قررت أكتب أنا كمان زيها
 
ايه القصص اللي بتحبي تقريها؟
الاميرات  وميكي  وذ ات الرداء الاحمر وتنه ورنه
 
مين الشخصية الكرتونية اللي تحبي تبقي زيها ؟ وليه؟
عاوزة ابقي سندريلا .. هي حلوة وبحب شكلها وفساتينها حلوة وجزمتها كمان وعلشان سندريلا بنت طيبة

ايه اكتر الهوايات الي بتحبيها ؟

انا بحب الرسم والتلوين جدا وبحب الموسيقي وباعرف اعزف حاجات علي الاورج وعاوزة اتعلم جيتار ، وكنت باتمرن جمباز وتوقفت لكن السنه دي انا نويت اتعلم باليه وماما وافقت وهاتوديني اتعلم باليه
سمعت إنك بتروحي الصالون الثقافي..تعرفي يعني إيه صالون ثقافي؟
أيوه ..مكان بنقعد نسمع فيه حاجات مهمه وهي مهمه فعلا وبنسمع شعر وأغاني وبنشوف كتاب وكاتبات ونتكلم معاهم عن حاجات نعرف نفكر بيها أحسن.
 
بتنبسطي في الصالون الثقافي؟
بنبسط جدا علشان بشوف الناس اللي أنا أعرفهم ونفسي أبقي زيهم
 
مين أكتر حد حبيتيه في الصالون الثقافي؟
النص جنية ده اسم لؤي وهو دمه خفيف وبيهزر معايا ويتصور كمان وطنط مني وعمو شبكة وعمو عبد الرحمن وعمو هاني كلهم بحبهم
 
لما بتروحي الصالون الثقافي بتفهمي الكلام اللي بيقولوه؟
أيوه ، بيقولوا شعر وكان في أغاني أنا حفظاها وبحبها وعجبتني قوي أغنية عود كبرت علي عود كبريت بتاعت دعاء عبد الوهاب
 
عاوزة تبقي زي ماما ليه؟
علشان نفسي ابقي كاتبه زيها ، لما بسمع اسمها في التلفزيون بفرح جدا ولما بروح الصالون معاها والناس بتعرفها ببقي فرحانه جدا .
 
اخبار المدرسة إيه يا حبيبة؟
كويسة ، بحب مدرستي جدا ، أكتر مادة بحبها هي الماث أما العربي والفرنساوي فبتكون مواد سهله عليا شويه
 
إحنا خلصنا الاسئلة .. تحبي تقولي ايه لماما دلوقتي ؟
احب اقولها انا فعلا بتكسف اقولك بحبك
 
 
 







التعليقات



سيعجبك أيضاً

  • الأكثر قراءة
  • إخترنا لك
مستشفي جلوبال كير