افرحوا

بقلم : شهد راشد

 

دايماً بحب أسمع أغاني الصبح .. بتكون بدايه مفرحه لليوم والله بالأخص يعني لو الأغاني دي أيجابيه و مفرحه يعني .. ف من الناس اللي دايماً بسمع لهم محمد منير و أحمد منيب و عمر خيرت و سلالم و كايروكي و حمزه نمره و في غيرهم كتير أوي بس دول أكتر ناس .. المهم في أغنيه بحبها أوي و قولت هحكيلكم عليها .

 

أولاً هبدأ بأغنيه لسلالم باند أسمها "الدنيا أوضه":

 

"لما تعيش تحلم أحلامك مش قادر توصلها .. فكر في اللي يخاليك توصل طولها و عرضها .. فكر أنك لسا عايش و بتتنفس في الهوا .. مهما هتكبر هي حياتك و بأيدك هتحلها ... لما تكون الدنيا أوضه .. أنزل غير عفشها .. وريها أنك قادر تضحك من قلبك بتحبها .. لون حيطينها على مزاجك .. أفتح بأيدك شبابكها .. علق بالون علي بابك .. عيش ألوانها و حلاوتها ..."

 

ثانياً أغنيه لسلالم بردو أسمها "لعله خير":

 

"ليه .. و أنت أخدت على التفكير .. حاصل البلاوي كتير .. تعبان من التدوير .. لعله خير .. بلاش تكشير .. دا مهما قابلنا في السكه ما يمكن خير .. لعله خير .. خير .. يا عم يمكن خير .. هيجي الخير و لو طال أنتظاره خير .. أضحك الدنيا تضحك لك .. ببان مقفوله تفتحلك .. هتيجي الشمس تنده لك .. تصاحبك نورها في المشواير .. أزرع في السما نجمه تحكي للقمر حكايات عن واحد ضاعت منه حاجات موقفشي و كمل سير .. لعله خير ..."

 

ثالثاً أغنيه بردو لسلالم أسمها "مش مهتم":

 

"بلا قلبت راس .. بلا حرقت دم .. أنا مش مهتم .. و أذا كان عندك حاجه مهمه أنا عندي أهم .. و مش مهتم .. مصدر مسوؤل صرح تصريح و الشيخ بهلول كلامه قبيح و الدنيا يا عيني بقيت مراجيح .. و أنا مش مهتم .. عميل متميز عرض فريد خبر في الجريده بشكل جديد و حرامي الزفه راح في الحديد و أنا مش مهتم .. و الناس هتهاجر على المريخ و الحرب هتبدأ بالصواريخ و الوسم دا يزرعوا بطيخ و أنا مش مهتم .. أنا مش مهتم .. و حبيبتي فرحها الجمعه اللي جايا و الناس واقفين واقفه أحتجاجيه و أنا قاعد أئلف بكتب أغنيه و مش مهتم .. أنا مش مهتم ..."

 

رابعاً أغنيه لكايروكي و سعاد ماسي أسمها "أجمل ما عندي":

 

" ضد الملل و عمري ما اسيب حزني يزيد يبقى جبل .. عندي اللي يفتح لي ببان الفرح أنا عندي أمل .. عندي بصح حاجات بزاف لكن ناقصيني حاجات كتيره .. ناقصني أني نقدر نطير و أنا عارفه أني ف يوم راح نقدر .. عندي قمر بسهر معاه .. عندي معاد و حبيبي لغاه .. عندي حضن يساع الكون .. ريئي نشف و الحب رواه .. و أجمل ما عندي أيمان بالله و نقول يا رب تكون في العون .. أصل الحياه أصعب حاجه عالي معندوش غير الأحساس .. و الناس لبعضها محتاجه و أنا لسا عندي أمل في الناس ..."

 

أنهرده قررت أفرحكم بأغاني أيجابيه و مفرحه مش أكتر .. بس طبعاً لسا في أغاني تانيه كتير أوي .. الأغاني دي روتين يومي بالنسبه ليا .. بحبهم زي عيالي والله .. تخيل بتبدأ يومك بأغاني أيجابيه-أحب أسميهم رسائل أيجابيه و مليانه أمل- .. و الله الunderground اللي منه أغاني أنهرده دول مش حاجه وحشه ولا غريبه .. دا حاجه حلوه و جديده بس لو سمعتهم بجد هتلاقي أن هدفهم الفرحه و السعاده و الحلم و العيشه الحلوه :)

 

ربنا يديم عليكم الفرحه و الأغاني الحلوه