سامح لطف الله يكتب : هتلوموه لو صوته باع؟
08:46 ص - الأربعاء 22 أكتوبر 2014
سامح لطف الله يكتب : هتلوموه لو صوته باع؟
القيامة لسَّه قايمة
كله ينحت ضهر كلُّه
لسه كفك فوق قفاه
ثورة قايمة لأ دي نايمه
والطريق من رجله تاه!!
العنين لسَّاها واسعة
حدّ ساحبه من عماه
والحمارة تبدو عرجة
والطريق مِيت اتجاه
لقمِته مش طايلة بقه
حقُّه ضايع ف الحياه
والفلول رجعت وقبِّت
عايزة تهبش منتهاه
راجعة تاني عقر داره
مجلسُه سيد قراره
والفقير يمضي فراره
لقمته تفرض حصاره
بالدقيق وقزازة تاه
نعجة واقفة ونعجة نايمة
والبطون من جوعها عايمة
أكلته شربة مياه
هتلوموه لو صوته باع؟
الحقوه قبل الضياع
الحكاية بقت صراع
قبل ما يبيع الحياه
القيامة لسَّه قايمة
تابع بوابة روزا اليوسف علي
جوجل نيوز
