محمد دويدار يكتب: لما كنا فـ مصر الجديدة
وفلحــظـة صمـــت وسٌكــات
عدى قصادى شريط ذكريات
رَجــــــعنـى تــانـى للطفــوله
وافتــكــرت كــل اللــى فــات
كُـنــا هِنـــــا بِـننُـــٌط أولــــى
ويــه شِلــه مــالـبنـــــــــات
شــويه نلـعب مــاتش كـوره
شـوية كومى .. سبع طوبات
شويه سباقات شويه خناقات
كنا نقعد بالساعات والساعات
عـالرصيف أو فمدخل عماره
والجيــران شَايـطــين شيـاط
واحنـا بــرضو مش هَامِمـنـا
بنجنن ابوهم ونـزود الصواط
لمتِنا كانت عزوتنا و قــوتـنا
ولا كان فنيتنا الفراق لحظات
لا كنا بنزهق ولا كنا بنـسرق
الضحكه بالعافيه من قلب العياط
كانــت ضحـكتــنـا ســهله
طالــعــه كــده صـــافيـــه
من قلبنا ملهاش حسابات
كانت شلتنا دنٌيا نتجمع فثـانيه
ونتــفرق بــس عالبــيات
دلوقتى دنيتـنا عاميه
تفرقنا فثانيه
وتجمعنا بس ..فدارمناسبات!!
وفلحــظـة صمـــت وسٌكــات
عدى قصادى شريط ذكريات
.............................................
لكل شــبر فشارعنا ذكرى
وكل حته وفيــها صـوره
لا كنا نعــرف ايه فـِ بٌكره
ولا كانش فينا قلوب مكسـوره
كنا ننزل من ستِه نجرى
كنا نلعب من سِته فوره
كنا نقـعد مع بعـض نحكى
مره نكـته ومــره فـزوره
واما فينا حــد يــبـــكى
تلقانا جنبهُ بنداوى الاهات
كنا نـعشق حتتــنا عِشـــق
كان كلامنــا طـــالع بصدق
مكانش فينا قلوب مريضه
حتى ان كدبنا كدبتنا بيضه
لمتنا كانت متعتنا الوحيده
تركيبه فريده ملهاش مثيل
كان فينا البخيل وفينا الطويل
وفينا اللى ماشى عــالحديده
كان فينا التخين وفينا الحزين
وفينا اللى سارح فاحلامه البعيده
وفينا اللى شايف صح من زمان
وفينا العاشــق والدنــجـــوان
وفينا اللى تايهة وسط السنين
وفينا اللى خايف وقايل آميــن
وفينا الأمـــيــــن
وفينا اللى خانه زمانه لكـنه ما خان
وفينا الانســان وفينا الفـنان
وفينا البضـ.. وفينا الرزين
كٌنا صحيح متجمعين
بس كنا مقسومين فرقـتـيــن
كان فيـنـا ســمك وفينا صيادين
وكبرنا وخدتنا الدنيـا فـ متاهـه
وكلنا كِده مشينا وراها
اللى بايــع نـفســه ليها
واللى لسـه بيطلـب رضاها
اللى ماشى فنص الطريق
واللى ناسى يعنى ايه كلمة صديق
اللى خدها خطوه خـــطوه
واللى بخطوه واحده عدى
واللى لسه ما خَطٌا خطوه
واللى شارخ واللى هَدى
واللـى ســافــر منذ فتره
واللى عافر لـجل نـطه
واللى عايـز بس زقه
واللـى لسـه مسـتـنــى شَده
واللـــى نـايم عالمـخده
واللى نـايم بـيــن الجراح
وفوسط زحمـه الحياه
الـلى راح جــــوانـــا راح
قلوبنا البيضه ملاها سواد
شعرنا الاسود غطاه البياض
ورجعت تانى لقيتها فاكرانى
الساعه ستـه وفنفس المعاد
قلتلها فاكرانى قالتلى
كبرت يا واد وطال البعاد
تعالى واقـعد فحجرى عالرصيف
ونعيد من تـانى الذكريات
بصت فوشى لقتنى راجل
بدقن وشعر فصدرى
وطالعلى كمان شنبات
اتكسفت وهزت مالزعل راسها
ماشُفت اهلـها ولا لقيـت ناسها
كل الملامح اتغيرت فيها
ولا عادش حـد بعدينا يواسيـها
حتى الجنينه لقيتها حزينه
كنا بـ لعبنا وضحكنا بنرويها
ما عِرِفت شابت ولا احنا
اللـى من بعديها شيــبنــا
قلتلها سامحيـنا حقك علينا
والله ده عيبنـا
حتى الجيران لقيتـهم حزانا
برغم اللى كان ورغم اذانـا
سألــتها مالك تعبانه أظـن؟
ردت بضحكه لأه حبيبى
لكنى بـَـحِـن
لـ صفاره ليلاتى فـ ودنى ترن
والقاكوا نزلتوا من تانى يا ولاد
ساعتها سيبتها ومشيت من سكات
قولتلها نامى...أحلامك سعيده
وعدى قصادى شريط ذكريــات
لما كُنا........ فمصر الجديــده
جوجل نيوز
