عبد الرحمن ابراهيم يكتب : السر..

 

السر في الحياة والروح

انهم جواك

والسر جوه قلب البنت

انها عشقاك

والكتاب اتصنّف مُقدس لإنه

مكنش معاك..

 

السر الأول..

 

البنت اللي دخلت حياتك حبتك

بس الوقت مكنش يسمح

كنت خايف مجرد التفكير

انك تحب.. تحس.. وتفرح

كان قتلك خوفك

من وحدتك..

 السر في الموضوع

الحب اللي كان موضوع

جوه قلبك للي فات

والسر ف الحكاية

خوفك م النهاية

والرعشة ف السلامات..

 

السر التاني..

 

البنت اللي كانت

والعشرة اللي هانت

والطرف التالت

في الحكاية

والسر فيها

كان جمال عينيها

وضحكتها

اللي راحت ف النهاية

والطرف التالت

كان بداية الوداع..

انت اللي خاين

انت اللي ساب

انت اللي باع

والأصل إنك شاري..

برغم قلبك حاسس ضياع

 

السر الثالث..

 

الـ (أ)

أمل راح مش موجود وضاع

والـ (ك)

كل شئ حلو قوله وداع

والـ (ر)

راضي بذُل العيشة

أنا أكتر واحد جاع

والـ (هـ)

هيجي يوم وهثور

والحروف على بعضها

أكره أعيش خاضع

وأقول  كده مستور

 

 السر في الحروف

خوفَك من كلمة خوف

السر جوه فيك

عين

مبقتش قادرة تشوف

 

السر الرابع..

 

المرض الساكن جواك

حقيقته كانت قتلاك

والصمت مكمّل وياك

رافض تصعب على حد..

السر في مرضك كان

كرامتك زي كيان

وبتقوى كونك انسان

رافض يموت يتهد..