بوابة روز اليوسف

بوابة روز اليوسف

20 يوليو 2017 - 52 : 16   Facebook   Youtube  RSS
بوابة روز اليوسف
رئيس مجلس الإدارة
عبد الصادق الشوربجي
رئيس التحرير التنفيذي
عبد الجواد ابوكب
البنك العربي الافريقي الدولي

مريم إسلام: شاركت في الثورة ضد الاخوان..ونفسي أطلع في عالم سمسم

13 يونيو 2015 - 30 : 9



 

لباقة و ابتسامة ساحرة، أول مايجذب انتباهك فى مريم اسلام ذات السبع سنوات، شخصية من طراز نادر يمكنك أن تجد لديها كل الحلول المنطقية و الغير منطقية على كافة المشاكل اليومية التى تواجهك، تعشق القيادة وتستمتع ب(المريسة) على بقية أقرانها، أما عن ذاكراتها مع الثورة على الإخوان، حينما كانت تقود مظاهرة قوامها المئات بهتافات مدوية فهو مشهد محفور بذاكرتها وذاكرة كل من حولها، تعشق التمثيل والرقص والرسم وأشياء أخرى سنتعرف عليها من خلال الحوار التالى....

 

اسمك ايه؟

مريم اسلام محمد يس الشيمى

 

عندك كام سنة؟

أنا مولودة يوم  (8-8-2008) يعنى أغسطس اللى جاى هيبقى عندى 7 سنين.

 

فى مدرسة ايه؟

سانت فاطيما

 

بتحبيها؟

كتير كتير

 

ايه اكتر حاجة بتحبيها فيها؟

اللعب اللى فيها والحفلات وكمان المذاكرة.

 

ازاى بتحبى المذاكرة وانت بتتعبي مامى فى حل الواجب؟

علشان بيبقى كتير وأنا بزهق.

 

مين أصحابك اللى بتحبيهم؟

أنا بحب حبيبة قوى أكتر واحدة فى الفصل وبحب سيف ابن عمو وائل كمان بس ده مش معايا فى الفصل

 

واشمعنى دول بالذات بتحبيهم؟

علشان بحس انهم اخواتى

 

ايه هواياتك؟

أنا بلعب سباحة وتنس ونفسي ماما تحجز لى فى لعبة الكارتية كمان بس مافيش وقت، أنا كمان بحب أرقص قوى بس مش قدام الناس.

 

و ايه الأغانى اللى بتحبي تسمعيها؟

happy. و shake it off

 

مافيش أغانى عربى؟

  آه.. الأغانى اللى بتيجى على قناة طيور الجنة.

 

وايه الأكلات اللى بتحبيها؟

أنا بحب كل الأكل اللى بتعمله تيته علشان بيبقى كله (حركااات)

 

يعنى ايه أكل كله حركات ؟

يعنى بيبقى طعمه لذيذ قوى

 

ايه أكبر مشكلة بتواجهك؟

الزحمة فى المترو والحر اللى بيبقى فيه.

 

تفتكرى ازاى نقدر نحل المشكلة دى؟

أنا رأيي ان عمو اللى بيقطع التذاكر يدى كل واحد من الركاب ريموت تكيف، علشان لما ندخل العربية ونلاقيها حر نشغله، وأول ما ننزل نبقى نديه للراجل الى بيلم التذاكر مننا.

 

ايه أكتر حاجة نفسك فيها؟

نفسي لما أكبر وأدخل الجامعة ماما ما تبقاش (حاجة) يعنى تفضل تلبس بنطلونات وتحط ميك اب وماتبقاش حاجة تلبس عبايات.

 

فاكرة لما نزلتى فى الثورة؟

ايوة فاكرة لما جدو محمد الشيمى كان شايلنى على كتفه وانا بقول (يسقط يسقط حكم المرشد) والناس تقول ورايا.

 

مين هو المرشد؟

مرسي وأصحابه.

 

ومين الرئيس دلوقتى؟

السيسي اللى بيقتل الناس اللى بتؤذى مصر

 

فى نهاية الحوار تحبي تقولى كلمة أخيرة؟

نفسي أطلع فى حلقة عالم سمسم زى ما عمو عبد الجواد وعدني.

 

 

 

 

 

 

 







التعليقات



سيعجبك أيضاً

  • الأكثر قراءة
  • إخترنا لك
  • احدث المقالات
  • الاكثر قراءه
مركز الاورام جامعة المنصورة
كينج إم
مستشفي جلوبال كير