عاجل
الخميس 28 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

على سمير يكتب: حوار مع حماري

على سمير يكتب: حوار مع حماري
على سمير يكتب: حوار مع حماري

حماري: مش ناوي تخلينا نفرح بيك بقى؟



أنا: بعد عمر طويل..

حماري: ليه كدا.. أنت لسه واخد جنب من موضوع الجواز دا.. سُنة الحياه يا ابني.

أنا: هو أنت اتجوزت قبل كدا؟

حماري: اها، طبعًا وخلفت كمان..

فقاطعت كلامه المستهلك، وقولت له: يعني لو روحت السجل المدني للحمير أطلع قيد عائلي لك..

حماري: بس أنت عارف إننا ملناش سجل مدني.. وإننا بنتجوز جواز المتعة.. وإن دي سُنة إعمار الكون، لو ماتجوزناش مش حتلاقي حمير على الأرض، وأنتم نفس القصة، بس الفرق إن أنتم بتنظموها.

أنا: مفيش اختلاف؛ أنتم بتجرو ورا الحمارة اللي العين عليها، وإحنا بنجري ورا البنت اللي العين عليها..

حماري: أنت حمار.. ومعقد كمان..

أنا: دي مشكلتي لوحدي مش مشكلة البشرية..

حماري: بس كدا أنت بتحط نفسك نقطة آخر السطر!!

أنا: إيه الفرق في كلامك وكلام العوام.. فين فلسفتك؟!

حماري: الفلسفة مش في نواميس الطبيعة.

فقاطعته ثانية، بقولي: الفكرة التي تخلقها من أرحام الظلمات وتخرجها للحياة هي التي تعيش.. كل العظماء عاشت أسماؤهم وسيرهم بإنجازاتهم، وليست بالجواز والخلفة.. واقفل باب النقاش.

حماري: هي دي فلسفة البطيخة..

أنا: انتهى.

تابع بوابة روزا اليوسف علي
جوجل نيوز