عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

شهد راشد تكتب: اللي عايز ينجح .. هينجح

شهد راشد تكتب: اللي عايز ينجح .. هينجح
شهد راشد تكتب: اللي عايز ينجح .. هينجح

نرمين عباس؛ بنت عندها 17 سنه و هي بطله من بطلات المنتخب المصري في بطوله أفريقيا لكره اليد. هي واحده من فريق المنتخب المصري اللي كسبوا بطوله أفريقيا السنه دي. و القصه بدأت من أختها إعلان و نرمين عندها 5 سنين؛ عايزين لاعبين "أعسر" أو بيستخدموا أيدهم الشمال و طوال. ف أختها راحت قالت ل مامتها أنها تقدملها في الإختبارات؛ و الكابتن فرح جداً بأدائها و دخلها في فريق أكبر منها سناً بدل المدارس عشان تدرب (مامتها مكنتش فاهمه ولا موافقه بس الكابتن شرح لها أن كدا أحسن لها) و لما أتعمل فريق للي في سنها نرمين كانت "نائب كابتن" للفريق. في الفريق اللي أكبر منها سناً كانت بتدرب و بتلعب في ماتشات بس لمده قصيره.



 

دور نرمين في الفريق أنها تهاجم و تدافع في الRight Back؛ لعبت أكثر من 20 ماتش مع الفريق في النادي و خسروا بالكثير 4 بطولات بس (ما شاء الله). و لعبت مع المنتخب في بطوله أفريقيا و كسبوا أول أفريقيا؛ لعبوا 6 ماتشات كسبوا في 5 و خسروا في 1. لعبوا مع أنجولا و الكونغو و كينيا؛ كل فرقه مرتين و أصعب فرقه كانت أنجولا. و الموضوع بدأ من سنه؛ كان في معسكرات في المركز الأوليمبي في المعادي و في الأسكندريه و في أماكن تانيه كتيره. و بعدين سافروا في إيطاليا في معسكر مع المنتخب الإيطالي؛ و بطوله في تونس. بعدين رجعوا تاني للمعسكرات!

 

حياة المعسكرات من أصعب الحاجات اللي ممكن تجربها أو تعيشها؛ التدريب فترتين في اليوم بيجروا في جبال و رمل، الجري 8 كيلو. دا غير أن مافيش موبايل ولا بتشوف أهلك و ممنوع حد يجي من برا يحضر التمرينات؛ بس ممكن البنات يحضروا الأمتحانات و الدروس و يرجعوا تاني للمعسكر. بس بعد كل التعب دا كسبوا المركز الأول في بطوله أفريقيا و أخذوا الميدليات الذهب لأول مره من 41 سنه. دي البطوله رقم 11 اللي سنهم يحضرها بس أول مره مصر تشارك؛ في أول مره كسبوا مركز أول.

 

 

 

 

 

 

تابع بوابة روزا اليوسف علي
جوجل نيوز