عاجل
الخميس 28 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

ندى خضر تكتب " الشخص بيبان من فيس بوكه وليس عنوانه"

ندى خضر تكتب " الشخص بيبان من فيس بوكه وليس عنوانه"
ندى خضر تكتب " الشخص بيبان من فيس بوكه وليس عنوانه"

ثمة هوس متزايد وملحوظ بين الشباب اليوم بضرورة التواجد يومياً على مواقع التواصل الاجتماعى ومشاركة أدق تفاصيل حياتهم ، فأصبحوا يتسابقون فى عدد البوستات وأصبح ما يسمى بالحالة أو الإستيت شىء أساسى فى حياتهم ويغيروها باستمرار، فتتسابق إيمى الروشة مع بنوتة كول فى كتابة أكبر عدد من الحالات كأنهم سيدخلون بها موسوعة جينيس ، ويعبر أمير الأحزان بحالة " مصدوم جداً " واستياءه من خسارة الزمالك ، بينما أنا بنوتة روشة تتسابق فى رفع أكبر عدد صور لها وتشارك أدق تفاصيل حياتها على الفيس بوك ، لو راحت المطبخ هتنزل صورة ليها مع كوباية الشاى وتكتب كان يوم مرهق جداً



أصبحنا جيل عاشق  لصور سيلفى ، بينزل على انستجرام صور بمعدل 30 صورة فى اليوم الواحد يومياً ،وبيتصور مع أى حاجه فى أى مكان وهو بيعمل أى حاجه ، علشان يشارك أدق تفاصيل حياته و يكسب متابعين أكتر.

والبعض مهووس  بتويتر بيكتب عليه أدق الحاجات اللى يعملها ، لو راح فين هينزل تويته بكده ، اللى يقولك أنا فى مول العرب ، أنا فى الجامعة ، أنا فى طريقنا للبيت وهكذا ،  لدرجة ان لما بيدخلوا يناموا بيكتبوا  تويته " تصبحوا على خير أنا داخل أنام " ، و ده بيتكرر يومياً .

مواقع التواصل الاجتماعى أصبحت إدمان لدى أغلبية الشباب شىء أساسى ضمن حياتهم اليومية ، بيكون أكتيف على المواقع دى أكتر ما بيكون أكتيف فى حياته الشخصيه ، لغة الحوار عندة أصبحت حروف على الكيبورد ، تتعرف عليه وعلى حياتة من تويتة على تويتر ، من صورة على الانستجرام ، عاوز تتعمق أكتر وأكتر إدخلة على الفيسبوك، اتغير الزمان بينا  وأصبح الشخص بيبان من فيسبوكة وليس من عنوانة ...

تابع بوابة روزا اليوسف علي
جوجل نيوز