ياسمين عبدالحليم تكتب: الإبداع في الطفولة المشردة

معاذ صاحب الـ 8 سنوات الذي يجلس يوميا علي سلم مترو جامعة القاهرة، فقد رأيته اليوم كعادته يجلس وسط بقايا الطعام والأوراق والألوان التي يعطيها له الطلبة، ولكني رأيته يلون رسومات كرتونية مرسومة بدقة، فأدهشني هذا المنظر وذهبت إاليه وسألته "هو انت اللي راسم الحاجات دي؟" قال لي " ايوة، وعندي رسومات تانية كتير" فسألته "انت اسمك اية بقي وبتقعد هنا علي طول لية؟" قال لي"انا اسمي معاذ وستي هي اللي خلتني انزل اقعد هنا، اصل انا ابويا مسافر وامي عيانة وقاعدة في البيت، بس انا عندي 6 اخوات وكلنا بنشتغل عشان نجيب لها الدوا" فسألته "انت بتروح المدرسة يامعاذ؟" قال لي" ايوة.. كنت في سنة تالتة بس ستي قالتلي مفيش مرواح للمدرسة تاني انزل اشتغل زي اخواتك" وبعدها نظر الي قليلا وقال" بس علي فكرة انا مش زعلان عشان مبقتش اروح المدرسة انا بس زعلان عشان صحابي مش هيشوفوا الرسومات بتاعتي تاني.

   وسيبقي معاذ جالس علي السلم  ككثير من الاطفال، ويستمر في ادهاش الناس بموهبته، ولكنهم ليس في يديهم مايقدموه له غير بقايا الطعام التي يتركونها له، وستبقي هذه الموهبة المهدرة ملقاه في الشارع، ولا تجد من يرعاها ويهتم بها، وهذه حكاية من حكايات اطفال الشوارع.