بوابة روز اليوسف

بوابة روز اليوسف

25 مارس 2017 - 39 : 11   Facebook   Youtube  RSS
بوابة روز اليوسف
رئيس مجلس الإدارة
عبد الصادق الشوربجي
رئيس التحرير
عبد الجواد ابوكب
البنك العربي الافريقي الدولي

"سيف الدين حسن": كنت أول طفل يدخل نقابة المنشدين.. ومازلت أصغر عضو فيها

10 مارس 2016 - 27 : 21



كتبت : سهى محمد

 

-الشيخ محمود التهامى صاحب الفضل في دخولي النقابة

 

كلنا ربنا خلقنا جوانا مواهب كتير وكل شخص مختلف عن التانى ...فى حد فنان وبيرسم حلو قوى ،ومن بيعشق العلوم ويقوم بعمل اختراعات تفيد بلده ،وفيه بيحب القصص وبيقدر يكتب قصة لوحده ،وشخص بيعشق الشعر،وفيه اللى صوته حلو كل الناس بتحب تسمعه عشان تطير مع صوته الجميل  زى "سيف" أصغر عضو بنقابه الإنشاد الدينى، وهنتعرف أكتر عليه من خلال هذا الحوار:

عندك كام سنه يا سيف ؟
انا عندى 13 سنه وفى مدرسة المرج الرسميه للغات

احكى لى إزاى أكتشفت موهبه صوتك الحلو ؟
أنا والدى "فنان" مهندس جرافيك وورث صوته الحلو بس هو كان بيدندن وع نفسه فى البيت وكانت على طول إذاعه القران الكريم مشغلنها فى البيت وبسمع منها الابتهالات وحبتها جدا وكنت بنشد معاهم

إزاى "ماما وبابا " ساعدوك أنك تكون "منشد " ؟
والدتى كانت بتسمع الأنشوة او الابتهال فى الإذاعه فى الإذاعه وكانت بتكتبه ليا وانا كنت بقلد المنشدين منهم "نصر الدين طوبار "ومولانا "النقشبندى ، و"محمد كحلاوى "لانى بحب أحفظ بالسمع

أحكى لنا أزاى بقيت عضو فى نقابة الانشاد الدينى ؟
والدتى ليها الفضل عليا بعد ربنا سبحانه وتعالى وساعدتنى أنى أبحث عن مكان انمى فيه موهبتى لحد ما قررنا نذهب لنقابة الإنشاد الدينى ونقدم فى اختبارات للتدريب فيها ونجحت الحمدلله

كلمنا عن رد فعل المشايخ والمبتهلين لما سمعوا صوتك ؟
أعجوا بيا الحمد لله والشيخ محمود ياسين " قالى هتقعد مع الشباب وبقيت أصغر منشد وأصغر عضو فى نقابة الإنشاد الدينى

حسيت بايه وانت اول مرة تنشد امام منشدين كبار ؟
كنت خايف وقولت لنفسى مش هنجح لانى لسه صغير ومحدش هيبصلى ولكن أعجابهم بصوتى غير فكرتى تماما الحمدلله

ايه القصائد اللى بتحب تنشدها يا سيف ؟
بحب قصيدة "مولاى إنى ببابك " للنقشبندى ، "سبحت لله فى العش الطيور " لنصر الدين طوبار وللشيخ "محمد عمران "يامن أذا قلت " ، وبيحب أسمع قصائد أم كلثوم اللى كانت بتغنيها وهى صغيرة

أزاى النقابة ساعدتك أنك تنمى موهبتك ؟
درست فى المستوى الأول "المقامات " ساعدتنى انى احفظ صح وازاى أختار القصيدة اللى هنشدها بناء علىالمناسبة اللى هنشد فيها وأن شاء اله هكمل معاهم فى المستوى التانى

انت حافظ كام جزء من القرأن الكريم ؟
حافظ 12 جزء ووالدتى مديرة دار لتحفيظ القرأن الكريم وبتساعدنى كتير

مين اللى بيدربك دلوقتى ؟
بتابع فى المدرسة مع شيوخى ومع صديقى المنشد وعازف العود "أحمد شفيق

بتحب تسمع مين من المنشدين الشباب ؟
المنشد "مصطفى عاطف" وكل الشباب المنشديين بحب أصواتهم الجميلة وبتعلم منها

نفسك تكون فرقة للانشاد لما تكبر ؟
اه ان شاء الله وبدأت بيها فعلا أنا وصديقى أحمد شفيق ونفسى أعمل ألبوم فى الإنشاد الدينى

عندك مواهب تانية غير موهبة الصوت ؟
بحب القراءة والكمبيوتروبرامج الفوتوشوب

ايه الكتب تحب تقرأها ؟
بقرأ كتب ل"ليوناردوا دافنشى "،"ألبرت أنيشتاين "، وبحب كتب التنمية البشريه وكتب فى الكمبيوتر والفوتوشوب والتكنولوجيا زى بابا

بتحس بيه فى قلبك وانت بتنشد ؟
بحس أن سيدنا النبى موجود معانا وبحس بيه وبحس بروحانيات جميله وبحس أن الإنشاد له ريحة حلوة بوجود ربنا معانا

لما كلمات الانشودة تبقى مش فهمها بتعمل ايه ؟
المشايخ والمنشدين فى النقابة بيساعدونى وخاصة الشيخ إيهاب يونس لأنه إمام وخطيب مسجد ... وممكن أفتح قواميس العربى وأفهم هى بتتكلم عن ايه ومعانيها عشان أبقى فاهم

أيه البرامج اللى بتحب تشوفها فى التليفزيون ؟
برنامج "بسمة امل " لعمر خالد ووالدتى كانت بتشغله على طول ، وبرنامج "خواطر " لأحمد الشقيرى وزعلان جدا أن اخر موسم ليه ، وبتفرج على ناشونال جيوجرافيك

تقول إيه لأصحابنا اللى بعضهم بيسمعوا الاغانى اللى فيها كلام مش كويس ؟
أنهم بيسمعوا كلام ملهوش لازمة وبيضيع الوقت وانه لو رسول دخل عليهم دلوقتى وهما بيسمعوه وشافهم هيبقى زعلان

بتقضى يومك إزاى يا سيف اول لما تصحى من النوم ؟
اتوضأ وأصلى وممكن بعد كده أقرا كتاب وأراجع الابتهالات اللى درستها وأحفظ أناشيد وابتهالات جديدة وأقعد على الكمبيوتر

حابب تشكر مين من المنشدين اللى ساعدوك ؟
الشيخ "محمود ياسين التهامى " بيعلمنا كتير ،والشيخ إيهاب يونس بعتبرة والد ليا والشيخ حسام صقر والشيخ طه الإسكندرانى وكل المنشدين فى النقابه

بتنصح اصحابك اللى عندهم موهبة يعملوا ايه ؟
يكتشفوا موهبتهم وينموها ويروحوا مركز لتنمية المواهب ةاللى بيحب القراءة يقرأ كتب كتير واللى بيحب الرسم يروح لمراكز تعليم الرسم وكده...

واصحابك اللى صوتهم حلو ونفسهم يدخلوا مجال الإنشاد الدينى ؟
لو صوتك حلو اهتم بيه وأسمع كتير وأفهم كل حاجة بتقولها عشان توصل لقلوب الناس وأحفظ حاجات كتير للمشايخ والمنشدين أنهم يحفظوا القرأن الكريم لانه بيسهل كل حاجة انت عاوزها

ايه أكتر مواد دراسية بتحبها فى المدرسة ؟
بحب مادة الدراسات والجغرافيا

هل مشترك فى الإذاعه المدرسية ؟
كنت مشترك فى فقرة القران الكريم وبعد ما اكتشفت أن صوتى حلو فى الانشاد فكرت ادخل فقرى للانشاد مع القران الكريم والمدرسين مش منعونى من كده

أيه هو حلمك ؟
حلمى أنى أكون قارئ للقرأن ومنشد دينى

كلمنا عن البرامج التليفزيونيه اللى ظهرت فيها ؟
طلعت فى برامج نليفزيزنيه منها برنامج القاهرة اليوم مع الإعلامى عمرو أديب ، وقناة المحور ساعه مع شريف ، وبرنامج أخر النهار

إزاى أصحابنا يشوفوا أعمالك ويتابعوها ؟
ممكن يلاقوا أعمالى على صفحة الفيس الخاصة بيا إسمها "المنشد سيف"

لما تكبر نفسك تشتغل ايه ؟
نفسى أطلع مهندس تصميم وجرافيك ومنشد دينى

تحب تقول ايه لماما وبابا ؟
ربنا يخليكوا ليا ومن غيركم مكنتش ابقى حاجة .

 

 

 







التعليقات



سيعجبك أيضاً

  • الأكثر قراءة
  • إخترنا لك
مستشفي الرواد للعيون

مستشفي جلوبال كير

الصفحة الرسمية لصندوق مكافحة وعلاج الإدمان والتعاطى

الصفحة الرسمية لصندوق مكافحة وعلاج الإدمان والتعاطى