بوابة روز اليوسف

بوابة روز اليوسف

27 يونيو 2017 - 13 : 21   Facebook   Youtube  RSS
بوابة روز اليوسف
رئيس مجلس الإدارة
عبد الصادق الشوربجي
رئيس التحرير التنفيذي
عبد الجواد ابوكب
البنك العربي الافريقي الدولي

"المنشد الصغير عمرو هاشم" : اكتشفت أن صوت بابا حلو فعملنا فرقة مداحين

11 مارس 2016 - 23 : 10



كتبت: سهى محمد

 

إسمك ايه ؟
عمرو سيد هاشم وعندى 12 سنة .


مين اللى اكتشفك يا عمرو ؟
لقيت بابا وعمى بينشدوا فى البيت كنت أقعد معاهم وبحفظ وبنشد معاهم وقالى أنت صوتك جميل ودخلنى النقابة معاها واختبرونى ونجحت وبدرس فى المستوى الاول.


أكتشفت صوت بابا إزاى ؟
بابا كان بينشد ويدندن فى البيت فسمعته بيقول قصيدة "يارب " لنصر الدين طوبار وقولت له سجلى على الموبايل بتاعك الأنشودة دى وشوفت مسابقة على النت تبع نقابة الانشاد الدينى واختبره الشيخ "حسام صقر".


باباك بيشتغل ايه ؟
بابا موظف فى شركة الطيران.


كلمنى عن فرقة "ال هاشم "؟
بيدرس على يد موسيقين مثل الموسيقى هاشم لطفى وتتكون فرقة "ال هاشم "من المؤلف حربى رمضان ، وعازف الناى "هاشم لطفى " وأخويا الصغير "يسين " وهنقدم اناشيد خاصة بينا مع القصائد القديمة.


ليه بتحب الإنشاد ؟
حبيت الإنشاد لانه بيمدح سيدنا النبى وربنا وشرف كبير انى امدحهم.


مين المنشدين بتوع زمان اللى بتحب تسمعلهم ؟
بحب الشيخ "نصر الدين طوبار وقصيدة "حين " ، "محمد الكحلاوى "، "طه الفشنى " والمنشد "مصطفى عاطف " وبستفاد من اصواتهم وامكانياتهم.

وبحب أنشودة "الله الله الله على نور رسول الله " لانها اللى اكتشفتنى ، وأنشودة "قمر سيدنا النبى " ، "ميلاد طه "،" عليك سلام الله".


مين من الشيوخ اللى بيشجعوك ؟
الشيخ "حسام صقر" والشيخ "طه الإسكندرانى " بيعلمونى ومش بيضيقوا منى لو قولت حاجة غلط كذا مرة وبيصححولى فى كل مرة أقول لها وبيصبروا عليا.


ايه الجديد اللى هتضيفه فى فن الإنشاد ؟
أن الناس تبعد عن التعصب فى الانشاد اللى بتكلم عن حب سيدنا الحسين والسيدة زينب زى "مدد يا حسين "بتكون فى الموالد والحفلات  ولاناشيد دى لان التعصب فى الحب لله ولرسوله بس.


بتفكر تحفظ القرأن الكريم ؟
لما دخلت فى الإنشاد شجعنى على حفظ القران لانى هيخلى ربنا معايا فى كل طريق ويساعدنى أخرج مخارج الألفاظ صح.


إزاى تستغل النت لتنمية موهبتك فى الإنشاد؟
ممكن ادخل على النت وأجيب أى أنشودة أنا عايزها وبابا بيحفظها معايا لما بيسمعها منى مثل الشيخ "نصر الدين طوبار ".


تقول ايه لاصحابك اللى بيسمعوا الأغانى اللى فيها كلام مش كويس ؟
بقولهم العمر مش مضمون وأسمعوا الاناشيد بدل الأغانى العاديه هترتاح معاها أكتر.


بتحس بايه وأنت بتنشد ؟
وانا بنشد بستمتع وبحس أنى بعمل حاجة بحبها قوى لان مدح الله ورسوله هو حياتى وكمان عملت صفحة على الفيس وسمتها "ذكر الله هوايتى ".


ازاى بتدرب نفسك فى البيت ؟
بابا بيعملى "ورش عمل " فى البيت وبنحفظ مع بعض وبندرب على الالات الموسيقيه مع أصحابه الموسيقين ، وبنصحح لبعض وهو لما بيقول حاجة غلط انا بصححله وبنتعلم من بعض.


عندك أخوات ؟
إسراء أختى دخلة 3 إعدادى ، ومحمد 6 سنين ، ياسين سنتين.


كلمنا عن مدرستك وأصحابك وتشجعهم ليك ؟
المدرسين بيشجعونى بعد لما نخلص الدرس وشرحه بيخلونى أطلع على السبورة وأنشد وزمايلى يقوللها يا ميس خلى عمرو ينشد.


إزاى بترد على أصحابك اللى مش بيعجبهم صوتك ؟
بعض أصحابى مش بيحبوا صوته وانا قولتله "كلنا واحد "، أنا هوايتى فى صوتى ممكن هو يكون هوايته فى رسمه الجميل ، لعب الكورة ، وكل واحد ربنا ميزه بحاجة ولا أغير من حاجة ربنا وهبها لناس تانية.


ايه المواد الدراسية اللى بتحبها ؟
بحب مادة  "العلوم " ، "الدراسات " بتعلم من مشايخنا فى النقابة الإحترام والتواضع وبستفاد من خبراتهم فى الإنشاد.


بتحب برامج التليفزيون ؟
اه بحب برنامج "صحبه "لمصطفى عاطف ، وبحب برامج "مواهب من مصر" للاعلامى سمير الإسكندرانى.


بتحلم بإيه ؟
نفسى أكون "عضو فى النقابة " ونفسى أدخل كليه "فنون " أو معهد "موسيقى ".

 

 

 

 

 


 







التعليقات



سيعجبك أيضاً

  • الأكثر قراءة
  • إخترنا لك
صيدليات نورماندي
مركز الاورام جامعة المنصورة
كينج إم
مستشفي جلوبال كير