بوابة روز اليوسف

بوابة روز اليوسف

19 اغسطس 2017 - 53 : 14   Facebook   Youtube  RSS
بوابة روز اليوسف
رئيس مجلس الإدارة
عبد الصادق الشوربجي
رئيس التحرير التنفيذي
عبد الجواد ابوكب
البنك العربي الافريقي الدولي

المبتهل الصغير "عبد العزيز وهبه " : بأحب ياسين التهامي ..وابنه محمود قدوتي

13 مارس 2016 - 39 : 20



كتبت : سهى محمد
 
حوت نقابة الإنشاد الدينى العديد من المواهب ذات الأصوات الجميلة والتى تتراوح أعمارهم ما بين العاشره الى سن ال15 ، ووجدنا من ضمنهم موهبه ذات صوت عذب واحساس جميل  ، كيف اكتشف 
موهبه صوته واستطاع ان ينميها ...سنتعرف على ذلك من خلال هذا الحوار ..
 
 
 
إسمك ايه وعندك كام سنة ؟
إسمى عبد العزيز وهبة عندى 12 سنة
 
كلمنا عن سر حبك للإنشاد ؟
أنا متربى فى بيت صوفى بيحب ربنا وبيعشق المدح وبيحب سيدنا النبى
 
امتى إكتشفت موهبة الصوت ؟
وأنا عندى 9 سنين وكنت بروح الحفلات الدينيه مع بابا
 
بتسمع مين من المنشدين الكبار ؟
بسمع الشيخ النقشبندى ونصر الدين طوبار، والشيخ "طه الفشنى "، والشيخ "محمود التهامى "وياسين التهامى ، بجيبهم  من على موقع اليوتيوب
 
ومين من المنشدين الشباب ؟
المنشد "مصطفى عاطف "، و"محمود هلال "
 
مين اللى ساعدك أنك تقدم فى النقابة ؟
 أختى"رحاب " وصلتنى  للشيخ "عماد خليفة" بيعزف كامنكة مع الشيخ "محمود ياسين "ووصلتنى لمدرسة الأنشاد الدينى لما شافتها فى التليفزيون وروحنا قدمنا
 
أنت فى مدرسة ايه ؟
مدرسة السلام الابتدائيه فى المنوفيه منطقة الباجور
 
ايه أكتر قصيدة بتحبها ؟
أول قصيدة قولتها "قمر سيدنا النبى " وهى اكتر قصيدة بحب أقولها
 
إتعلمت ايه من مدرسة الإنشاد الدينى ؟
علمونا ازاى نقول القصائد صح والمقامات وازاى نعلى صوتنا وبيحفظونا القصائد زى قصيدة" فؤادى" وقصيدة "مولاى" وبحفظهم معاهم وبراجع عليهم فى البيت
 
ليه حابب تكون منشد دينى ؟
أنا كنت الأول بسمع عبد الحليم وبغنى مع نفسى الأغانى العادية المختلفة لحد ما لقيت فيديو على اليوتيوب ظهرلى كان كليب "قمر" للمنشد مصطفى عاطف لما سمعته كتير حبيت أكون تبع الأنشاد الدينى
 
ليه قررت تروح لمدرسة للإنشاد الدينى ؟
بروح المدرسة علشان امدح ربنا وسيدنا النبى وكل المشايخ هناك بيهتموا بيا وبيحبونى وبيشجعونى انى اروح ، وبشكر الشيخ "طه الاسكندرانى "، الشيخ " محمود ياسين "، "طه حسين "، والشيخ إيهاب يونس "
 
إزاى بتحفظ القصائد ؟
بكتب القصيدة فى ورقة واسمعها كتير واركز مع اللحن بتاعها واحفظه فى مخى وده بيسهل الكلام بعد كده ،وبحب الدكتور أحمد حجازى لانه بيعلمنى الموسيقى وصوتى اتحسن وحفظت قصائد كتيرة وعرفت فن المقامات وبطبقها فى القصائد وعلى الكمبيوتر أقدر اجيب اى قصيدة عايزها واحفظها
 
بتحب تشوف إيه فى التليفزيون ؟
بحب كارتون "توم وجيرى ", بحب المصارعه ، وبتفرج على قناة التهامى وبحب فنان "محمد هنيدى"، و"أشرف عبد الباقى "وافلامهم
 
إزاى ماما وبابا بيساعدوك أنك تنمى موهبتك فى الإنشاد ؟
بابا وماما بيساعدونى أنى أحفظ القصايد واسمع كلام المشايخ و مش بيبخلوا عليا فى حاجة وبيروحوا معايا من المنوفيه للقاهرة عشان يحضروا معايا مدرسة الانشاد وبقولهم شكرا ليكم وشكرا على اهتمامكم بيا
 
تحب تشكر مين من المنشدين اللى ساعدوك ؟
الشيخ "محمود التهامى " أستاذى وشيخى ومعلمى ، الشيخ "طه حسين "، الشيخ "أحمد حجازى "
 
 
 






التعليقات



سيعجبك أيضاً

  • الأكثر قراءة
  • إخترنا لك
  • احدث المقالات
  • الاكثر قراءه
مركز الاورام جامعة المنصورة
كينج إم
مستشفي جلوبال كير