بوابة روز اليوسف

بوابة روز اليوسف

28 ابريل 2017 - 24 : 8   Facebook   Youtube  RSS
بوابة روز اليوسف
رئيس مجلس الإدارة
عبد الصادق الشوربجي
رئيس التحرير
عبد الجواد ابوكب
البنك العربي الافريقي الدولي

"بوابة روزاليوسف"تحاور ضحى أشرف أصغر مصورة مصرية

27 مارس 2014 - 6 : 11



حوار : أمل وافى
-         بدأت الرسم وعمر 7 سنوات وانتقلت للتصوير  وأنا 12 عام
-         كرمت كأصغر مصورة فوتوغرافيا في اليوم العالمي للمرأة 
-         في محمد محمود الناس كانت بتجري و بابا بيحاول يدخلني عند الضرب
-         أحلم أن أصبح مصورة حرة
 
ضحى أشرف عبد الشافي ذات السابعة عشرعام تعشق الحياة في صورها تصادق الكاميرا و تحدثها لها العديد من الصور التي تنبض بالحياة من ضحة سيدة مسنة لدمعة طفل صغير وغيرها من الأعمال ، حصلت على تكريم من بيت السناري في يوم المرأة العالمي كأصغر مصورة فوتوغرافي ألتقت بيها بوابة روزاليوسف لتحدثنا أكثر عن موهبتها وعن التكريم والدراسة و أشياء أخرى.
 
كيف كانت البداية ؟
 في البداية كنت برسم وأنا عمر 7 سنين ،ورسمت في تاون هاوس وكان في ورشة اسمها سوا بيعلموا فيها الأطفال الرسم وأجانب بيفهمونا الرسم و فنونه وفي الآخر كنا بنعمل معرض لأعمالنا استمريت فيه من وأنا 7 سنين حتى وصلت ل 12 سنه ، و كان في معرض اسمه "سوق الجمعه "كنا بنروح سوق الجمعه نشتري خامات مستعمله نعمل بيها لوحات من حاجات قديمه والمعرض ده اخدنا فيه جايزه.
 
و متي بدأ حبك للتصوير ؟
و أنا 12 عام  تركت الرسم وأًصبحت أحب التصوير ،أصور بأي كاميرا ديجيتال ،عاديه ، موبيل وفي يوم كنا في الأزهر بارك أنا وماما وكان في غراب واقف لا يتحرك فقلت اصوره شكله عايز يتصور قعدت أصور فيه وهو واقف يديني كل المشاهد كأنه عايز يتصور لما خلصت طار.
 
ماذا فعلتي لتنمي موهبتك ؟
في البداية طلبت من ماما كاميرا بروفاشنال وفعلا هديتني بيها وهي معايا إلي الآن بشتغل بيها كان صعب علي استخدامها في البداية، كنت بحاول افهمها وأطلقت عليها اسم زوبة وكبرت وغيرتلها العدسات وأصبح اسمها فتكات وبدأت اتعامل معاها انها صاحبتي و بقينا نفهم بعض وناخد على بعض ،في الأول قعدت فتره 3 شهور أجرب بس صور تافهه ملهاش أي معني بس الصور التافهه في الآخر هي اللي طلعت حاجه جميلة
 
هل في مواقف حدثت لك وأنت بتصوري  ؟
 بحب أصور الحاجات الإجتماعية في الشارع و في يوم كنت عايزه اصور بنت الست اللي بتبيع خضار البنت كانت موافقة لكن الأم كان عندها مشكله مع الصحافه افتكرتني صحفية قعدت تجري ورايا في الشارع علشان امسحه
 
هل بتجدي مساعده من والديك؟
 جدا بابا وماما بيساعدوني إني أنزل و مفيش مشكلة عندهم و كل لما اقولهم أنه حصل معايا موقف أي أن كان قولولي حاولي ، اللي عايز يعمل حاجه يفضل يحاول
 
كنتي في أحداث محمد محمود ماذا حدث لك هناك؟
بابا أخدني في احداث محمد محمود قال لي هفرجك من قريب أنا سمعت صوت الضرب جريت كنا كل ده بره الشارع  أنا سامعه صوت الضرب والناس بتجري وبابا بيدخلني جوه ،الضرب كان لسه قدام بعيد بس الناس كانت بتدوس على بعض انتظرت فتره وحاولت التقاط أي صور بس كل الصور طلعت مهزوزه وفجأه لقيت ناس بتحطلي بيبسي على وشي وأنا مش حاسة بالدنيا  وبتقول إيه دخلها وحرام فالكلام ده جعلني عايزه أدخل تاني لكن بعدها مدخلتش بالكاميرا دخلت عادي مع الناس وبابا ولغايه لما وقفوا ضرب
 
ماذا عن التكريم في بيت السناري ؟
 كان معرض يوم المرأه العالمي في بيت السناري وكرمت كأصغر مصورة  فوتوغرافي ناجحه ،عرضوا أعمالي في المعرض و اتكلمت في المؤتمر عن الحاجه اللي بعملها  وازاي نجحت فيها
 
ما هي تجربة الشياتين ال13 ؟
كتاب بيحكي قصه حصلت في حياتنا أنا ووالدتي الكاتبة الصحفية ناهد السيد ، هي حاولت تنزل لمستواي و أنا عندي 13 سنه لأني كنت بعيدة جدا عنها و كنت رافضة أنها تعرف خصوصياتي لكن مع الوقت عرفت قد ايه هي تعبت وإنها خايفة علي وأن هي اللي هتنصحني بحب وخوف ، و لما الكتاب نزل فهمت أكتر أن في مشكلة عند الامهات أنهم مش قادرين يوصلوا لبناتهم وولادهم بس أنا و ماما تخطينا المشكله دي .
 
في أي سنه دراسية تدرسين وماهو طموحك  للمستقبل ؟
 أنا في ثانية ثانوي وعايزه أدخل كلية فنون تطبيقيه لكن في الشغل عايزه ابقي مصورة حرة
 
هل تؤثر موهبتك  على الدراسة ؟
مبتأثرش على الدراسة بالعكس أنا لو بأعمل ساعتين في اليوم أو ساعه الشئ اللي بحبه فده بيديني طاقه إني اكمل مذاكرة
 
 
 
 
 
 
 
 
 
 
 






التعليقات



سيعجبك أيضاً

  • الأكثر قراءة
  • إخترنا لك
مستشفي جلوبال كير