عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

من برا هلا هلا و من جوا يعلم الله

 بقلم : شهد راشد



دايما بنحكم علي الناس بشكلهم مش بشخصهم .. و لو بصينا علي الموضوع دا نظره موضوعيه شويه هنلاقي ان مش لازم برا وجوا يكون حاجه واحده ...

البنت اللي احنا شايفنها متبرجه .. مش محجبه .. لبسها ضيق .. صوتها عالي .. بتضحك كتير .. بتكلم ولاد .. و نقعد نكلم عليها كتيير دي ... 

البنت دي نفسها بتعمل خير .. و لما حد بيحتاج منها اي حاجه بتعمل اللي تقدر عاليه .. قلبها كبير اوي و بتساعد كل الناس ...

يعني لما شوفتها من بعيد كان قرارك انها بنت صايعه بس لما عرفتها طلعت كويسه اوي اوي ...

البنت التانيه المحجبه و لبسها واسع .. هاديه اوي و صوتها واطي .. مبتكلمش ولاد خالص .. و كلنا تقول عليها ملاك علي الارض...

البنت دي نفسها لو شافت فقير ولا طفل شوارع تهينه و تشتمه .. لو حد من صحابها حصلوا حاجه حلوه تحسد و تحقد .. و لو حد من صحابها حصلوا حاجه وحشه تشمت ...

يعني لما شوفتها من بعيد كان قرارك انها ملاك علي الارض بس لما عرفتها طلعت يا رب الارض تنشق و تبلعها ...

الولد اللي بدقن .. مبيشربش سجاير .. مبيكلمش بنات .. شكله ابن ناس و متربي كدا ...

دا نفسه ممكن يكون مابيشربش سجاير بس بيضرب مخدرات .. مبيكلمش بنات قدامك بس مقضيها من وراك ...

يعني لما شوفته من بعيد كان قرارك انه ابن ناس و محترم بس لما عرفتيه طلع يا ما تحت السواهي دواهي ...

الولد اللي لابس سلسله .. بيكلم بنات .. شكله عادي اوي و مافيهوش حاجه مميزه ...

دا نفسه ممكن يكون بيحترم البنات اللي بيكلمها جدا .. متربي و محترم جدا جدا ...

يعني لما شوفتيه من بعيد كان قرارك دا صايع و ضايع بس لماعرفتيه طلع متربي بجد ...

مش لازم اللي انت شايفه يكون الحقيقي .. كتيربنعمل حاجات غلط .. بس كمان كتير بنعمل حاجات صح اوي بس مش قدام حد .. يمكن بنعمل حاجات بينا و بين ربنا هي دي اللي بتطلعنا او بتنزلنا درجات عند ربنا ...

انت مش ربنا عشان تحكم عليا او علي غيري .. ربنا بس اللي عرفناه من جوا و من برا .. ربنا بس اللي بقدر يحاسبنا :)

 

تابع بوابة روزا اليوسف علي
جوجل نيوز