ندى خضر تكتب " مذكرات حمار (8) "
05:36 م - الإثنين 26 سبتمبر 2016
إتخرجت خلاص والنتيجة ظهرت ، اربع سنين بدرس فى اعلام جامعة القاهرة طلعت بيهم بورقة مكتوب عليها شهادة تخرج بتقدير عام امتياز مع مرتبة الشرف ، كانوا احلى اربع سنين فى حياتى بحلوهم ومرهم وتعبهم ...
مكملتش شهر من التخرج وبداءت اسئلة الناس تحاوطنى بـ " اشتغلتى ولا لسه ؟! وهتشتغلى فين " ويابختك تقديرك ده يشغلك فى احسن مكان !
وطبعا كان عندى ثقه ان التقدير بيفرق ، اصل اللى تعب وذاكر واتمرمط تدريب فى اكتر من مكان مش زى اللى كان مقضيها .
وطبعا كنت حمارة !!
لا هيفرق معاهم تقدير ولا تدريب اللى عاوز يوصل بالفهلوه زى ما بيقولوا مش هيشفعلك امتياز ولا حتى مرتبة الشرف اغلب اللى شغالين فى اعلام اصلا مدرسوش فى كليات الاعلام بس فى ايديهم الواسطه و فى الاخر يقولولك الاعلام ده موهبه ! ونخرج بعدها بصحافة صفرا من غير معايير.
تابع بوابة روزا اليوسف علي
جوجل نيوز