عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

محمد حسين يكتب : الأسئله

محمد حسين يكتب : الأسئله
محمد حسين يكتب : الأسئله

ولازال السؤال مطروح



في ليه العمر مش سامح؟

تكوني الحِل والمسموح

وتبقي بكره لِامبارح

ووسط العتمه تبقي الضي

وهل كان السؤال واضح؟

وليه الاجوبه  بالنفي؟

ولو سالوني عن شعري

بقول الشعر مش فيكي

ودمع عيوني مش ليكي

وان الوحي بيصيبني

تملي بشكل عشوائي

وإن المعجزات خلصت

وشوقك في الوريد باقي

ولازال السؤال باقي

هل المكتوب في اشعاري؟

من الكاس اللي في ايديا

ام الشوق اللي متداري

في حالة سكري في عنيكي مانيش داري

وهل كل الشعور مسموح؟

وهل كل الكلام يتقال؟

تملي الاسئله صعبه ودايما ردّها بسؤال

ولو آخر امل عندي

تكوني ف لحظه حاساني

ف-ليه الأسئله وطولها؟

وليه الخوف من الفرقه؟ وخوفي تكوني ناسياني

وهل كان اللقا مكتوب ؟

وهل كان الفراق صدفه؟

وهل روحك صحيح عارفه؟ وحاسه بمعنى هذياني

في واقعة حبك المجهول

انا الشاهد وانا المقتول

ووقت الجد

انا الجاني

فإن كان الهوى مجنون

وحبك سر اوجاعي

فهل للاشتياق مضمون؟

وهل للانتظار داعي؟

ف- كام مره

انا نسيتك وحبيتك

في غمضة عين؟

ماعُدتش اعد

 ماعُدتش اعد كام مره

حكيت شوقي بدون كلمه

وباح قلبك بدون مايرد

ماعُدتش اعد كام مره

نويت ابعد

وعُدت بقصد او دون قصد

وكام مره

نوىٰ قلبي يتوب عنك

لكني رجعت في التوبه؟

وفي غيابك بعيد عني

انا اتيتّمت كام نوبه

ماعُدتش اعد

فإن كان الفراق موصوف؟

وهوا الحل في الآخر

فهل للاشتياق معنى؟

وهل لمحبتك آخر؟

 

 

تابع بوابة روزا اليوسف علي
جوجل نيوز