عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

احكيلى عنها

احكيلى عنها
احكيلى عنها

كتبت - فريدة محمد

احكيلى عنها ، ليه ؟ عايزة اعرف ، عايزة العلاقة دى تستمر متبقيش عاملة زى اللى حضن وردة فى ايده من حبه فيها اتعور من شوكها ، بس انا عايزة اعرف...



انا عارف انتى عايزة تعرفى ايه ، عايزة تعرفى اذا كنت بحب الشعر القصير عشان شعرها كان قصير برضوا ولا لا ، والكافيه اللى متعود اخروج هناك عشان كنا متعودين نكون هناك ولا لا ، والسلسه اللى فى رقبتى منها ولا هدية من امى زى ماانتى بتقنعى نفسك ، عايزة تشوفى فى عينى اما احكى عنها هتلمع لهفه ولا مطفيه ،

عايزة تعرفى تقربى دلوقتى ولا تستنى شويه ، اقولك على حاجة متستنيش هى مشيت من دماغى واقولك حاجة كمان انتى احسن منها كتير ، عايزك تعرفى كمان انى هفضل واقف معاكى لو كل الناس قالوا انك فيكى سيئات هاقولهم انك تخصينى بكل سيئاتك ، عايز اقولك انك مهما زعقتى و شخطى و اتشنجتى زى الاطفال انا هفضل احبك و هستحمل الضغوط اللى انتى فيها ،

وانى مهما مقابل ناس هفضل متأكد ان انتى اللى عايز افضل معاها ، وعايزك تبقى فاهمة كمان انى حاطط ربنا بينى و بينك و بدعى انك انتى اللى تبقى ليا مش واحدة تانية ، وعايزك تفهمى انك هتبقى بنتى اللى هقولها يلا قومى البسى هخرجك ،

و هتبقى امى اللى هاقولك عايز اخد رأيك فى موضوع ، و هتبقى حبيبتى اللى لما ازعلك هاجى و اقولك انا اسف و هقولها شكلك حلو انهاردة ، هتفضلى حبيبتى طول العمر .
 

تابع بوابة روزا اليوسف علي
جوجل نيوز