تهاني عبد السلام تكتب : حُضن العِلة
مستعدة
إني أعشق لون ترابك
بس نابك يستخبى
مش كل ما أقول
بحبك يابلد
ألقاله هجمة مرتدة
وألقاكي فاهمة ده وحبة
يكون لك ناب بيتغابا
فأزرع فيكي كام شجرة
ألاقي النبت صار غابة
وفيها الديب بيتلون
كما الحرباية
جرابه كان في قوانين عيرة
وجباية
فلوس محتاجة لرعاية
فيرعاهم بنفسه عشان
غاوي يحمي البلد منا
ولحمنا سهل ع الأنياب
فمن غير ندغ بياكلنا
لا ويصدر على المشهد
كلام معسول
كأنه رسول
ماهوش طماع
عاشق للأرض متمسك
لا يرهن فيها ويشكك
ولا بياع
وحضنه يساع / بساط الأرض
وحب الناس ده سنة وفرض
فعاش خدام
خرج مـ التون
فكان مصعور يغرقهم
فأول خطوة فرقهم
وقال كفار
وقال إرهاب
وقال خاينين
يامستمعين
فين المصري
من التانيين
ده متأثر
ومش عارف يروح علي فين
وعارفين / قبل ما أتصنف
هقول اللي في ضميري بحق
ومن غير زيف
يا دولة عاشقة للتزييف
بقلب نضيف
بقولك خافي من واد بار
هيطلع لك في كل نهار
يقولك عيب ده شُغل صغار
بأسعار فينا ولعتي
علي الإسفلت دهستينا
وكام غرقوا في بلاعتي
وبالغاز ليه خنقتينا
وكل يومين تزيدي صُعار
وأتاريكي زهدتينا
وأتاريكي ماتستغنيش
يسيح دمي بلا أسباب
بتقتلي فيا لجل العيش
وتحيي فـ ناس بأصل كلاب
يا حدفانا في حضن العِلة
من غير مِلة
فين العود
هنعزف لحن وتره برود
وأنغامه زئير لفهود
كأن يهود الأرض أتغابوا
وجم حكمونا قلبوا قرود
جوجل نيوز
