كوكب عماره تكتب : أعمل عبيط

 حضرت عيد ميلاد لصاحب حفيدي....
 كانوا جايبين ساحر لطيف أوى🎩طلب
 مني اشاركه
 في فقره من الفقرات ولزوم
 الساسبنس كان المطلوب أأكد ان
 مافيش خدعه..... هبرا
 كدابرا وهوب بخفة يد طلع الحمامه
 من الكوبايه... خلصت الفقره وأنا
 مبسوطه
 وبضحك من قلبي وسط تصفيق وتشجيع
 وانبهار الموجدين👏👏أنا عارفه
 ان كلها خفة يد
 بس عملت اني مصدقه والساحر عارف
 أنه بيضحك علينا وإننا فاهمين
 إنها لاسحر ولا
 بتنجان بس هو كمل وفرح من التشجيع
 وإحنا  أنبهرنا وفرحنا 😹😹😹
 انا بحكي كل ده عشان اقولكم 
 (المتعه عايزه شوية تغافل)
 ماتركزوش اوي في
 التفاصيل وأصل الحكايه والروايه...
 اجمل أكله بنستمتع بيها هي أللي مش
 طبخنها
 وأحلي فيلم أللي  مش بنشوف
 كواليسه وأجمل فرحه أللي  بتيجي
 علي غفله.......
 التحضير الكتير والتفكير
 والتركيز أحيانا كتير بيفقدنا جزء
 كبير من
 البهجه..........
 اعمل نفسك عبيط عن الحاجات التفهه
 أللي بتمر فحياتك غمض عينك عن
 التفاصيل
  أللي بتوجع أللي لابتقدم
 ولابتأخر أللي لاهتفيد ولا
 هتضر.......
 بلاش تركز في كل لفته وتفصيله.......
 تغافل أعمل نفسك عبيط مع
 الدنيا......
 سيب أللي  عايز يمثل ويعيش
 الدور يعمل أللي هو عايزه سيب أللي
 فرحان بكام كلمه
 من ورا ضهرك يقول سيب أللي عامل
 نفسه حبيبك وهوبيكرهك ياكل في
 نفسه طالما مش
 أذيك.... كبر وعيش الحياه من غيرما
 تدخل في تفاصيلها أوى.... بلاش تكشف
 خباياها.... ماتكشفش المستور...
 ماتجريش ورا أصل الحكايه......
 أفرح باللحظه الحلوه وامسك فيها
 وانسي اللحظه الوحشه وسيبها تعدي
 ما تمسكش
 فيها أضحك عليها قبل ما تضحك عليك
 لاعبها ماتخلهاش تلعب بيك هي
 الفرحه كده
 عشان تعشها بجد  أحيانا لازم
 تعمل #عبيط_آه_والله#