تهاني عبد السلام تكتب: قيموا الحد
شعر/
أنا ظالم
وتوب مظلوم ملبسني
وجه عـ القد
سنين بيشوفوا أوجاعي
دموع عـ الخد
فكان ساتر مابين روحهم
وبين روحي يجي 100 سد
وأول ما أنكشف ضهري
وبان للكل إني جبان
لقيت روحي بتتولد
وناتج عنها 100 محتد
وصرت أشد
أنا ظالم
وتوبي رسول وله آية
بخلي الناس تطوفني سنين بكدباية
يجوز تركع
كمان تسجد ومن غير صد
وكيفهم جاب
مع المتعاب
في جذب وشد
أنا ظالم
فمين فيكم قادر يشكي
ومين فيكم قادر عـ الرد
وهلقى ما بينكوا كام مجذوب
وهلقى ما بينكوا كام مرتد
أنا ظالم
فليه دايما متابعيني
حقيقي بجد
أنا ظالم
ياريت تصحوا تقيموا الحد