ميرنا سلامة تكتب: مبدأ الامام الشافعي في العلاقات
في مبدأ العلاقات .. قال الإمام الشافعي :
زِن من وَزَنَك بما وَزَنَك ،وما وَزَنَك به فَزِنهُ ، من جاء إليك فَرُح إليه، ومن جفاكَ فصُدّ عنه .
(زِن من وزنك بما وزنك) ..
يعني اوزن اللي قدامك بنفس الميزان اللي هو وزنك بيه.يعني لو قيمك علي اخلاقك قيمه علي نفس الحاجه اخلاقه!!
(وما وزنك به فزنهُ)..
يعني التقدير اللي هو وزنك بيه قدره بنفس حجمه هو شاف انك تزن الكثير فهو يزن نفس المقدار والعكس صحيح..!
(من جاء إليك فرُح إليه)
.. يعني اللي يشتريك اشتريه ..!
(ومن جفاك فصُد عنه).
يعني اللي يبيعك بيعُه واللي تشوف منه جفا لو يوم ابعد عنه ..!
طيب انا شايفه بقى ان اللي بيعمل عكس ده غير سوي نفسياً ..!
ومااقدرش اطلق عليه طيب او متربي او متسامح
بالعكس اللي اتربي علي الاحترام والتفاهم والتناغم والعقل والموده لا يقبل بأن يُعامل بغيرهم حتي وإن جُبِرَ لا يتحمل ودايماً انا شخصياً غير مقتنعه بمبدأ الإجبار ف حد ذاته ربنا سخر لنا الكون كله ودي حاجه تدل علي قوه الإنسان وعظمته ومكانته العاليه عند خالقه ازاي احنا نقلل من شأننا بإيدينا ونقول مبررات.
كل واحد فينا عنده نقاط قوة ونقاط ضعف لو ركزنا في نقاط القوه هاتمحي الضعف ولو ركزنا ف نقاط الضعف مش هاتعرف انه عندنا نقاط قوة من الاساس خلينا علي علم بعيوبنا علشان بس نصلحها لكن مانسيبهاش تهدم المميزات اللي فينا ابداً.
فلا تدعوا الضعف فأنتم اقوياء ولا تستسلموا للسلبيات لأنها وإن طالت سوف تمضي ولكنها لن تمضي إلا بيدك أنت وحدك.
جوجل نيوز
