عاجل
الخميس 28 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

د. مروة عبد الرسول تكتب: التغذية السليمة ومرض العصر

د. مروة عبد الرسول تكتب: التغذية السليمة ومرض العصر
د. مروة عبد الرسول تكتب: التغذية السليمة ومرض العصر

محدش يقدر ينكر ان السرطان اصبح مرض العصر وانه اصبح موجود تقريبا بين كل اسرة وبقينا نسال ايه الحل عشان نبعد الخطر ده عننا وعن اولادنا.



على مدار 25 عاما اكتشف العلم الحديث ان وزن الجسم وقلة المجهود البدنى من اهم العوامل التى تسبب حدوث مرض السرطان ولذلك وجدوا ان اتباع نظام غذائى صحى ومتوازن والالتزام بالتمارين الرياضية اللى اقلها المشى من افضل الطرق لتجنب حدوثه .

هنبدا بالنظام الصحى فيه عناصر اساسية لازم تبقى موجودة فى اى نظام وهى الخضروات والفاكهة والحبوب الكاملة زى المكسرات وشرب سوائل يوميا من 8الى 10 كوب ماء يوميا ونقلل جدا من اللحوم الحمراء وخصوصا المصنعة منها زى اللانشون والبيف .

كتير مننا عنده تساؤلات عن اغذية كتيرة يا ترى بتساعد ولا بتمنع حدوث مرض السرطان فى كل مرة هنتكلم عن حاجة منهم اولهم السكر الابيض الحقيقة ان العلاقة بين تناول كميات كبيرة من السكر واحتمالية حدوث السرطان علاقة غير مباشرة لان تناول السكر بكثرة بيعلى السعرات الحرارية وده تدريجيا هيزود الوزن وبالتالى بتزيد احتمالية حدوثه.

طب ايه الاغذية اللى فيها كميات كبيرة من السكر والنشويات ولازم نبعد عنها اولها طبعا البطاطس الشيبسى المصنعة اللى اصبحت الغذاء الاساسى لاطفالنا للاسف و العصائر المحفوظة وكل انواع الفاست فود .

والحل اننا نقدر نلاقى بدائل للاكلات المضرة دى زى العصائر الطبيعية او المكسرات بدل الشيبسى واضراره او نعملها لينا ولاطفالنا فى البيت.

 

*طبيب التغذية العلاجية بمعهد ناصر

تابع بوابة روزا اليوسف علي
جوجل نيوز