عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

رضوى نجيب تكتب : ايفوريا كافية 3

رضوى نجيب تكتب : ايفوريا كافية 3
رضوى نجيب تكتب : ايفوريا كافية 3

وبعد انتهاء الاجتماع ظل سمر ووليد يعملان ف غرفة الاجتماعات على اتمام كل بنود هذا التعاقد بنجاح ، ثم فاجئ وليد سمر بخبر ..



سمر التعاقد ده هيحقق لشركتنا مكسب كويس جدا وعلاقات ف صالحنا ، و لكن طبعا انتى عارفه ان بروتوكول العمل بينص على زيارات متبادله بين الشركتين ف مقرتهم ،عشان نتأكد من اتمام الشغل .. وبناءا عليه لازم شركتنا تروح مقرهم ف شرم الشيخ  ولو يومين ..

تمام يا مستر .. طيب وايه المشكله ؟ حاسه من كلامك ان ف حاجه؟!

سمر انتى لازم تسافرى معايا ..

معتقدش انه ينفع ، بابا مش هيرضى انى اسافر وابعد عن البيت ..

يا ستى متقلقيش انا هكلم والدك بنفسى واقنعه

طب وشغل الشركة يا مستر ، مين هيعمله غيري  ؟! اعتقد صعب

هو انتى دورك ف الحياه تقفليها وخلاص هههه ،  ف ناس هتقوم بيه مكانك  انتى مش شغاله ف مقلة لب يا استاذه .

طيب انا هبلغ بابا انك هتكلمه ونحدد اى حاجه من بعد مكالمتك ليه .  انا هقوم اسيف الميتنج د ع السيستيم

سمر بقولك ايه .. ذوقك حلو اوى ف الورد .. كل يوم بكتشف فيكى صفة حلوة

(شعرت سمر بالكسوف وابتسمت مع احمرار وجهها ف حياء )

وبالفعل لمجرد خروج سمر من المكتب ، قام وليد بفتح الابليكيشن الخاص بها و اخراج رقم والدها وقام بالاتصال به واخباره بما يريد ، وعن مدى اهميه وجود سمر ف هذا التعامل لهميتها فى الشركة ، وضمانه له بأمانها الكامل .

ثم قام بتبليغ سمر ..

سمر لو سمحتى احجزيلنا تذكرتين طيران و اوضتين ف اوتيل بعد بكرة لشرم  وحضرى نفسك ... بابا وافق ، بس تعالى  عايزك الاول ..

خدى المبلغ ده وبكرة امشى نص يوم م الشركة انزلى هاتى فستان تحضرى بيه افتتاح الشراكه هناك . لازم نكون ف أحسن ظهور .

حاضر يا مستر

ثم ذهبت سمر الى التواليت للأستعداد لمغادرة الشركة . ونظرت لنفسها فى المرآه ،محدثه نفسها :

سفر ... فستان  و شرم ويومين ، ده بجد ؟ يعنى انا هشوفه هو من غير المكتب والاداره وماما وبابا لمدة يومين .انتى مالك مبسوطه كده ليه ؟ دى سفرية شغل يعنى هتتفرمى مقابلات وحتى الحفله هتكون توقيع عقد مش رايحين بيتش بارتى يعنى ! يا ستى  اتخيلى  د انتى اول مرة تروحى شرم دى اصلاً

 وجاء يوم السفر . وكانا على موعد ان ياتى وليد اسفل منزلها ليصطحبها للمطار . الى ان هبطت له سمر . وصعدت الى السياره . قال لها ..

على فكرة انتى هناك مفيش اى داعى تلبسى فورمال اوى ممكن سيمى فورمال لايت كاجوال ، لان اولا المود هناك بحر  ،بخلاف ان الجو هناك حر شوية مش هتتحملى اللبس ده

اكيد مرات حضرتك مدايقه انك هتسافر وتبعد عنهم يومين كاملين ؟!

اولا هفكرك بأتفاق عشان انا مبحبش اعيد كلامى مرتين وشكلك بتنسى . مفيش حضرتك برة نطاق الشركة وطالما مش بنتكلم ف شغل . ثانيا : هى مبسوطه جدا اهو ع الاقل تاخد بريك منى وانا اغير جو .

ويمكن كمان توحشوا بعض ودى اهم ..

هههههههه ، انتى طيبه اوى يا سمر . بكرة لما تتجوزى تعرفى ان الاشتياق والوحشه دول بيكونوا ف الخطوبه واول كام شهر ف الجواز . واول ما يجى او طفل هوووب . الست بتتحول ام بنسبه 90% ، والزوج بيتضامن ماديا بس ههههه.

يعنى مبقيتوش بتوحشوا بعض ، او تحبوا تتكلموا سوا ؟ ده انا متخيله انى لما اتجوز هكون مستنيه رجوعوا للبيت بعد الشغل عشان نرغى كتير ف تفاصيل اليوم .

سمر انتى فيكى ميزة مش موجوده ف ستات كتير ، انك بتسمعى كويس اوى وبأهتمام كمان . فى ستات وهى منهم اوبشن السمع بقى قليل مفتكرش من اول جوازنا اتكلمنا لمدة ساعه كامله كام مرة ع بعض . هى البيت والولاد شاغلين تفكيرها اوى ، وانا الشغل واخدنى جدا بحكم المسؤولية  ، يعنى انا يوم ما قعدنا اتكلمنا سوا ف الكافيه متتخيليش كنت سعيد قد ايه بأهتمامك لانك تسمعى لانى مبقاش متوفر ف حياتى الموضوع ده من  كام سنه.. مش منكرش اننا بنوحش بعض كزوج وزوجه انتى اكيد فاهمانى طبعا .. بحكم الواجب

فهماك يا مستر

سمررر

يا وليد خلاص

ممكن بقى نقفل ع الكلام ده ونستمتع برحلتنا وانجازنا

وركبا الطياره ، ولان سمر لم تعتاد ركوب الطيارات ف اقل من نصف الوقت كانت قد استسلمت للنوم .حتى وصلت الطائرة الى مطار شرم الشيخ ، وفى سياره الاوتيل اخبرها وليد

انتى عارفه ان شكلك وانتى نايمه حلو اوى

احمر وجهها خجلا .. على فكرة انا محسيتش بنفسى فعلا

لا ماهو واضح  ، انتى من لحظة ما حطيتى راسك ع كتفى محركتيهاش .

هيييه ، انت بتتكلم بجد (بكل الخجل ، خبأت وجهها) ، انا اسفه جدا والله مأخدتش بالى

بتتأسفى على ايه . انتى كنت طفله نايمه . انا محبتش اتحرك سم واحد لحسن تفوقى واتحرم من الوجه الملائكى اللى شرف كتفى بنومه عليه ..

بس انا ليا طلب بما اننا وصلنا شرم . وطلب لازم ننفذه ..

ايه هو ؟

_يتبع_

 

تابع بوابة روزا اليوسف علي
جوجل نيوز