بوابة روز اليوسف

بوابة روز اليوسف

17 اغسطس 2017 - 40 : 11   Facebook   Youtube  RSS
بوابة روز اليوسف
رئيس مجلس الإدارة
عبد الصادق الشوربجي
رئيس التحرير التنفيذي
عبد الجواد ابوكب
البنك العربي الافريقي الدولي

نشوى سلامة تكتب:المواسم

10 يونيو 2017 - 33 : 12



 الناس بتستناها من حين لفين علشان بتحصل من وراها مصلحه ، زمان كنت اسمع عن موسم القطن ، موسم الغله ، موسم الفاكهه، علشان كان مقاول الانفار يربط على عيال الفلاحين  اللى بيستعطفوه ياخدهم ويشغلهم ويطلعوا بمصلحه حلوه  ومصاريف مدارس او عيد او حتى جهاز عروسه ، واهو طول الفتره بياكلو ويشربوا وينبسطوا ، واللى عليه حاجه يسدها ، واللى بيشترى حاجه يعربن عليها ، وكانت الدنيا ماشيه ، على ادها لكن ماشيه ، وحتى اللى سالف فلوس والا راهن حاجه بيعرف يخلصها 

دلوقت مبقتش اسمع عن المواسم دى او بالاصح  الدنيا اتغيرت واللى هيطلع لهم من المواسم دى موش جايب همه ، هيقضى باقه النت والا ال ٣٦ فوطه بتوع الجهاز ، والا ايه من الحاجات اللى حلت محل حاجات زمان البسيطه السهله اللى كانت تتناسب مع العيشه ، دلوقت الموضوع بقى فى تطلع فاجر محدش يقدر عليه ، فبياخدوها من قصيرها ويستلفوا بوصولات امانه ، واهو برضه  موسم وله وقته بس محتاج وقت تانى نفرد له الكلام  


فيه كمان مواسم تانيه للمؤسسات  بيكون تركيزها كله  الناس برضه ، كأنهم محصول ولازم يتجمع،  بس المصلحه المره دى مختلفه ، لان المؤسسات هى اللى بتاخدها موش الناس ، الناس الحقيقه مبياخدوش غير بلح ، ايون بلح بركه كده ، بياخدو احساس ان من غيرهم الغلابه تتشرد والمرضى تموت والاطفال تنقرض والسعاده تزول وان الموت آت لا محاله وأنه لا ينقصهم  الا ان يأتون  بالصبار لدفن ارواحهم عقابا لهم انهم لايزالون يعيشون يتمتعون بمنازل لها سقف ولديهم صحه ولديهم مايتداوون به اذا ما اشتكوا الالم 

اما مواسم الشركات فحدث ولا حرج ، فهم يتبارون فى اظهار افضل صوره خارجيه ولكننا لا نعلم هل قامو بالتفانى لتحسين خدماتهم او منتجاتهم كتحسين  اعلاناتهم التى يصدرونها لنا ، بل يحاصروننا بها ؟! 


وتستطيع ان تعلم كم التكلفه التى تذهب وراء هذه الاعلانات كافه ، سواء المؤسسات او الشركات ، او حتى الاعلانات الموجهه لمخاطبه العقل والضمير التى تسوق فكرا ولا تسوق منتج يباع ويُشترى ، فالشاشات مليئه بالاعلانات وكل عام يبذلون الجهد فى التجويد والصرف بشكل مبالغ فيه ، فهل من فائده؟؟ 

واذا ما تكلمنا عن المواسم ونحن هنا فى  اعظمها وهو رمضان ، فآتسأل ، هو ايه علاقه رمضان بمفهومه الاصيل الخاص بالرحمه والمغفره والاحساس بالمسكين ، بالالوان والمناظر والميه واللاجون والبط بالبرتقال ، وحكايه ام احمد اللى اتسجنت علشان ٥ الالاف جنيه - وده بالمناسبه القسط بتاع احدى شركات المساكن - ، وبحديث المساكن هو رينالدينو هيبيع جوه والا برا ، والناس اللى ماتت وراجعه لنا مبترجعش ليه غير فى رمضان تساعد الشباب مع ان الشباب شاب خلاص ، وموش هنجيب سيره الدراما فى موسم رمضان علشان فعلا لقد هرمنا من التكرار والملل والتفاهه وعدم الافاده ، يغريتنا بنتفرج على دراما تفتح عقولنا موش دراما تسود عيشتنا يا تقعد تسف على خلق الله ونبقى كلنا اساتذه فى السف والتريقه والتدنى 

ولا انتقد السياسه الاعلانيه لانه علم  واى علم له شقين احدهما نافع والاخر ضار ، احنا بقى بنمسك فى الضار ونتبت وحالفين ما نسيبه الا فى مالطه بعد ما نخربها ، مع اننا لوعادلنا الامور نقدر نوصل رسالتنا بدون مبالغه وفى نفس الوقت نعمل عمل عظيم يثبت مع الناس يفكرهم بمنتجنا ، بس كمان لازم نكون بنشتغل على تحسينه موش بس تحسين شكل اعلاناته ، ولنا فى خدمه مابعد البيع وخدمه العملاء اسوه غير حسنه الا مارحم ربى ، فموش باعلاناتك  هتكسب 

وكذلك اعلانات الاستعطاف الزائده والمبالغ فيها وكأن المرض موسمى  ، لدرجه انى استغرب لماذا لا توجد اعلانات عن مؤسسات لعلاج مرضى الصرع ، الجزام، البهاق، الروماتويد، العمود الفقرى ، وكل الشعب المصرى شايل وظهره انقسم  من كتر الحِمل ، امتى هنلاقى اعلانات كده ماهى برضه امراض مؤلمه ومزمنه موش بس السرطان والحروق والقلب والكلى


ياترى مصر فعلا لا تشتكى الا من هذه الامراض ، طيب اين ذهب اعلان مرضى السكر ونحن نعلم ان السكر هو من يتسبب فى لخبطه الاجهزه الحيويه كلها فى الجسم ، هل مرضى السكر ليسوا فى حاجه الى العلاج المجانى؟؟ هل بعد الانتهاء من منظومه التأمين الصحى ستختفى هذه الاعلانات  ؟! 

هلا اقترحت على الشركات المعلنه للمنتجات الاستهلاكيه خاصه ، ان يدخلو ضمن سياستهم الاعلانيه ان يتكفلوا بقسم فى مستشفى  ، او يرصدون نسبه من مخصصات الاعلان لحكايات ام احمد اللى اتسجنت علشان تمن سخان ، او اصلاح سقف كام بيت او توصيل مياه ونور ، او لاى منفذ اخر وهم كُثر ، ويتم الاعلان عما قدموه وبذلوه بالفعل فيكن لدى الشارع عنهم صوره اطيب ،وابقى ، اتمنى ان تكن هذه المؤسسات والشركات مساهمه بشكل فعال فى  تحسين حياه اهل بلدى  ليتذكروهم بالخير  طول السنه ، ولا يكتفون  بحصارهم فى شهر هو كافٍ لتنفيرهم منهم طول العام .
 







التعليقات



سيعجبك أيضاً

  • الأكثر قراءة
  • إخترنا لك
  • احدث المقالات
  • الاكثر قراءه
مركز الاورام جامعة المنصورة
كينج إم
مستشفي جلوبال كير