رضوي نجيب تكتب: إيفوريا كافيه 5
انتى ملامحك جات على السفر ، المكتب كان مغطيها you are shining
(نظرت ف الارض خجلا)
اتفضلى يا هانم .(وساروا فى طريقهم الى الشركة) ، ابقى فكرينى لما نخلص واحنا راجعين اعمل حاجه مهمه.
حاجة ايه ؟؟
لما نخلص ..
طيب اى هينت كده .
الرجاله مبتديش هنتات بيدخلوا ف المواضيع من اقصر الطرق.
----
و بدأ حفل توقيع العقد فى جو لطيف ، وترحاب قوى من اطراف التعاقد ، ثم اعلن مسؤولى الطرف الثانى عن اقامة حفل بسيط على شرف التعاقد للأحتفال .
وبمجرد ان اعلن عن الحفل ، نظر وليد الى سمر "نظره غامزة" ;) ليتس بارتى ..
كان الحفل مليئ بجميع انواع المشروبات ، قامت احد مسؤولات الشركة الاخرى بعرض كاس من التيكيلا على سمر ، ولكنها اعربت عن عدم تناولها الخمور .
الفتاه : احنا مش كل يوم بنمضى عقد ونحتفل ، حاولى تستمتعى بوقتك .
سكر : حاضر ،بس حقيقي مبشربش
فأنصرفت الفتاة للترحيب بباقى الحضور . وحاولت سمر الاندماج كالباقيين والاستماع الى حوارات المال والبيزنس التى تدور حولها ، وتعرض رأيها اذا طولب منها بشكل انثوى ذكى مما كان ينال اعجاب المحيطين ، كما اقترحت على الجميع ضرورة تشريفهم الى مقر الشركة فى القاهرة للأحتفال على ارضهم وبطريقتهم الخاصه ، مانال استحسان وليد جدا ، و جعله يشعر بأنها حريصة فعلا على الشكل العام لشركته ..
الى ان انتهت الحفل وانصرف الجميع ..
واثناء مغادرتهم الحفل ..سألت سمر وليد
سمر:حضرتك قلتلى افكرك بحاجه .فاكر كنت هتقولى ايه ؟
وليد: فاكر ..بتحبى الباستا ؟
سمر: اه جدا ،وبعرف اعملها كمان
وليد: طيب اتفضلى قدامى
سمر : هنروح فين ؟
وليد : سمر استمتعى بالهوا وبس
( بقدر ما كان لطيفاً معاها ولكن سمر كانت تستغرب لغموضه احيانا الذى يثير فضولها )
فوجئت سمر بنفسها امام محل للأكل الايطالى ..
اتفضلى يا فندم . فوجئت بتلك الكلمه من جارد المطعم وهو يفتح لهما الباب .
سمر : احنا ازاى هندخل هنا بلبسنا ده ، ده لبس حفله مش اكل خالص .
وليد : انتى هنا تلبسى اللى انتى عايزاه وقت ما تحبى وف المكان اللى تحبيه ، طالما المكان مش مشترط " دريس كود" معين ..
( ولاحظت سمر عليه كانه مألوف ف المكان )
وليد : تحبى تطلبى انتى ولا اختارلك على ذوقى ؟
سمر : كان ممكن اختار ، بس واضح انك عارف احلى اصناف هنا !
وليد: كل مرة باجى شرم لاااازم اكل هنا .
وبعد ربع ساعه .وجدت سمر طبق كبير وعميق جدا يجلس امامها ، مما جعلها ترفع جاحبيها وتفكر كيف ستنهى تلك المهمه وحدها ؟!
وليد : لو بدأتيه مش هتوقفى الا وانتى مخلصه عليه . وعلى ضمانتى "استمتعى"
وبدأ وليد الاستمتاع بالوجبة والانسجام معها .. وايضا تناولت سمر وهى مستمتعه من خليط الجبن والسى فوود مع الباستا .. ولم تكن تلتق عينيهما الا قليلا فى نظرات مبتسمه خاطفه دليلا على المتعه .
وما ان انتهوا وقام هو بدفع الحساب ..
وليد :طبعا معدتك متقفله دلوقتى ،احسن علاج ليها بقى هتشوفيه دلوقتى .
سمر: انا مش قادرة اتحرك اصلا عشان اشوف حاجه .
قام وليد بشراء زجاجتين من مشروب غير مفهوم معناه .قائلا
وليد : ده تقدرى تعتبريه رانى شرم الشيخ ههههه
شربت سمر نصف الكمية وشعرت بثقل فى جسمها ورغبه فى الاسترخاء .
سمر : احنا ممكن نرجع الاوتيل لانى فعلا مش قادرة .
وليد : يالا بينا .. واثناء سيرهم ، طلب منها ان تحكى له عن حياتها بأعتباره سبقها هو بذلك.
واخبرته عن حياتها الشخصيه .
وليد :ياترى حبيتى قبل كده ؟
سمر : نظرت بتفاجؤ .. مفتكرش
وليد : ازاى يعنى ؟! هل دخل حياتك شخص قبل كده ؟
سمر : لا
جوجل نيوز
