بوابة روز اليوسف

بوابة روز اليوسف

25 نوفمبر 2017 - 25 : 11   Facebook twitter Youtube  RSS
بوابة روز اليوسف
رئيس مجلس الإدارة
عبد الصادق الشوربجي
رئيس التحرير
أيمن عبد المجيد
البنك العربي الافريقي الدولي
مسجد الروضة

كوكب عماره تكتب:- أجنبي أم المصري

23 يوليو 2017 - 22 : 10




 
بصي يا ستي .. انتى كمان من حقك #تتجوزي_اجنبي 
 
- الأجنبي هيصحي يقولك Good morning darling مش هيقولك فين سندوتشات البيض
 
- الأجنبي بيرجع من الشغل يقضي يومه عادي ، مش هيرجع من شغلة ينام لتاني يوم كأنه كان بيحارب الصليبين .. 
 
- الأجنبي بيحب فيكي حاجات كتير غير جسمك اللي لو تخن اتنين كيلو يبعتلك إنذار على يد محضر وهو مبيعرفش يربط الكوتشي من كرشة .. 
 
- الأجنبي هيكون هرب من عقدة الأفلام العربي القديمة ، فبالتالي مش هتلاقيه متجوز مخصوص علشان حد يحضرلة الفطار ويحضرلة الحمام .. 
 
- الأجنبي بيستخدم كل أعضاؤه ، فتلاقية بيعمل شاي لنفسه ، بيقوم يطلع فوطه جديدة للحمام ، بيجيب لنفسه الريموت وصدق أو لا تصدق بيكوي هدومة لنفسه
 
- الأجنبي هياخدك ويلف بيكي العالم وتتصورو صور مجنونة وتاخدو سيلفي في كل مكان سوا .. مش هيقولك وطى صوتك وانت بتضحكي واقفى عدل واحنا بنتصور احنا في الشارع يا ام عماد
 
- الأجنبي لا يعاني من كسل بوظائف الكبد ، ففي خروجة الويك اند هيتحرك عادي ويلاعب عياله ويصحي بدري ، مش هيفضل قاعد كأنه نفسه ( لسه والد يعني) ولو حد كلمه يقول حرام عليكم انا طالع عيني طول الاسبوع .. 
 
- الأجنبي لو زعل هيقولك we have to discuss it مش هيقلب بوزة أربعين يوم بحجة انه محتاج يصفي ويهدي من اللي عملتيه ، وتكوني انت مثلا نسيتي تحطي ملح في السلطة
 
- دي اهم نقطه الأجنبي عارف ان وظيفته في الخلفة أعمق بكتير من انه خلف .. ف هتلاقيه زعلان اوي انك عملتي دوره مع ولاده مرة في أنه يعلمهم شئ معين ، مش هتقولي له اقعد مع ابنك شويه علشان هصلي يقولك انا شايل البيت فوق دماغي منكو لله يا كفره 
 
- الأجنبي مش هيفضل عليكي Peter و albert ويسيبك ويروح يقعد في البار.. هياخدك معاه البار .. لأنه بمنتهى البساطة لا يعاني من فصام (انا اعمل كل حاجه واعيش وغيري يموت) .. هيخليكى تشاركيه كل حاجه بيحبها و هيحترم وجودك في حياته
 
- الأجنبي هيقولك عادي قدام صحابه يا مارجريت يا ساندرا ، مش هيقولك الشاي يا ام عماد
 
- الأجنبي يوم ما يكرهك هيسيبك ويقولك wish u best of luck ، مش هيقولك هسيبك زي البيت الوقف لا محصله متجوزة ولا متطلقه يا ام عماد 
#اتجوزي_أجنبي
#يا_ام_عماد






التعليقات



سيعجبك أيضاً

الأهلي والزمالك
  • الأكثر قراءة
  • إخترنا لك
تدريب روزاليوسف
كينج إم


المونديال



مستشفي جلوبال كير