"طلباتك أوامر" احتياجات بيتك لغاية عندك بـ6 جنيه بس

كتبت - أمل وافى

برغم البطالة وزيادة اعداد الشباب المحبط في البلد نجد أمثلة لشباب آخرين استطاعوا بأفكار بسيطه خلق عمل شخصي لأنفسهم وحققوا نجاح ملموس فيه ، استوقفني منذ فترة اعلان علي أحد الصفحات علي موقع التواصل الإجتماعي فيس بوك شاب يعلن عن توصيل كافة اغراض المنزل لأي شخص من منطقة الظاهر سواء خضار لحوم دواء أو غيرها من الطلبات 

" هتقعد في بيتك ونجبلك طلباتك لحد عندك" جزء من اعلان كيرلس ميلاد عن مشروعه "طلباتك أوامر"وهذا في مقابل شهري 80 جنيه أو مقابل 6 جنيه للطلب وبرغم بساطة الفكرة ألا انها نالت استحسان من الجميع

يقول كيرلس ميلاد صاحب فكرة "طلباتك أوامر" أنا خريج كلية اداب قسم تاريخ دفعه 2016 عملت 6 شهور بمكتب سياحة المرتب كان قليل جدا تركت العمل ، وذهب للحصول علي دورات تابعة لوزارة الاتصالات لم استطع اكمالها ثم عملت ككاشير في احدي المطاعم بعد فترة تم الغاء الشفت الصباحي الذي كنت اعمل به فتركت العمل

ففكرت أني اعمل شئ مختلف فكرة أقدر استفاد منها ماديا خصوصا أن كل الوظائف المتاحة مرتبها ضعيف جدا ، الفكرة كانت مختلفه بعض الشئ هناك شركات شحن لكن فكرة ان شخص يحضر خضار ولحمة ودواء وأي شئ كانت جديده ، في ناس كتير ما تبقدرش تنزل تشتري الطلبات ناس بتكسل وناس كبيرة مش في استطاعتها قلت ليه معملش المشروع ده اوفر وقت ليهم وجهد واقدر اساعد نفسي"

وأضاف كيرلس "لما نزلت البوست علي الفيس بوك لم اتوقع كل هذا الاقبال علي الفكرة في البداية كنت هاخد بالشهر في مقابل التوصيل لكن قررت انه يكون بالطلب الواحد والطلب قيمته 6 جنيه "

"لو كنت هنقي الطلبات مكنتش هتجيلي بالجودة دي " كان تعليق أحد الطالبات علي هذه الخدمه وعنها يقول كيرلس " بحاول قدر المستطاع أن اقدم خدمه متميزة وأن تكون سمعتي في العمل جيده ، اقدر بيها اكبر الشغل "

وعن رأي عائلته في هذه الفكرة قال " علي عكس اللي ممكن يتقال بعد الكلية اشتغلت موصلاتي عيلتي شجعتني وقالولي اللي شايفه صح اعملوا ودايما بيحترموا اختياراتي"

وعن المواقف الذي تعرض لها قال " في البداية لم اكن اتوقع كل هذا الاقبال علي فكرة بسيطه مثل هذه في الأول استلفت 400 جنيه من واحد صاحبي اقدر اجيب بيهم طلبات واحاسب بعدها ، وايضا سيده جميله اهدتني عجله حتي تسهل علي المشاوير ، قبل العجلة كانت المشاوير صعبه جدا لكن هي وقرت عليا تعب جداا، غير ان معظم الناس مش بيكتفوا ب6 جنيه بس تمن الطلب بالعكس بيدوني اكتر من ده ".

كتاباتك علي الفيس بوك تبعث علي الطاقة الايجابية والبهجه "أنا بحب جدا اقرا في كتب التنميه البشريه وبحاول اكون ايجابي ومختلف علي قد ما اقدر ".

هناك شباب يندب حظه ويظل بلا عمل فترات طويلة ما رأيك فيهم ؟ ".

بصراحه لغايه قبل ما أعمل فكرة "طلباتك أوامر"  انا كنت محبط جدا زيهم أنا مقدر الظروف والمفروض أي حد يتخرج يلاقي وظيفه بمرتب كويس يمكن ده مش موجود ، أنا بس ليا رأي مختلف أن الشخص لابد أن يبادر بما ان الظروف صعبه حاول ان تخلق انت العمل ،في شباب مابيرضاش يشتغل بفلوس قليله لا بالعكس فلوس قليله لكن هيكون معايا خبرة بيها ومهارات جديده بعد كده افضل بكتير من قاعده ملهاش لزوم ، وعلي قد سعيك وتعبك ربنا بيديك وبيعوضك فعلا".

وفي النهاية قال" سعيد جدا بأراء الناس وردود الافعال التي لم تكن متوقعه الفترة الجاية هحاول اني اجمع 30 اسره اعمل معهم بعدها وبعد الطلبات الكثيره هحاول اجيب شباب يشتغلوا معايا ونوفر مشاوير كتير علي الناس لكن شئ في شئ لأني خايف اخد اي خطوة كبيرة أو مش محسوبه حاليا" .