عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

د. محمود مجدي يكتب: رياضة وأصابة

د. محمود مجدي يكتب: رياضة وأصابة
د. محمود مجدي يكتب: رياضة وأصابة

  لعنة الصليبي                



ايه هو الرباط الصليبي واذاي بتحصل الاصابه  وهل بيصيب الرياضيين فقط   ام الرياضيين وغير الرياضيين وما هي اسبابه واعراضه والاساليب  الخاصه بعلاجه في الفتره الاخيره وليه علاجه لازم يقعد 6 شهور ؟

 

 

دي اصابه بتحصل في الفتره الاخيره بنسب كبيره واخر حاجه ال7 حالات اللي حصلت في فريق نادي سموحه لكرة القدم في الدوري الممتاز عشان كده حبيت اول موضوع اتكلم عنه يكون الرباط الصليبي وعشان كده سميته لعنة الصليبي

 

 

 

هو رباط بيمسك بين عظمة القصبه وعظمة الفخذ ويوجد منه رباطين واحد امامي والثاني خلفي شغلتهم انهم بيعملوا ثبات لمفصل الركبه من الداخل لحفظ اتزان الركبه واتزان جسم الانسان اثناء المشي او الجري وفي شكل توضيحي للرباط الصليبي للتعرف علي شكله اكثر واسمه العلمي acl اختصار

 (anterior cruciate ligament) يعني الرياط الصليبي الامامي

 

 

 أصابة الرباط الصليبي بتحصل لو حصل دوران مفاجأ لمفصل الركبه يعني مثلا الرجل تثبت في الارض والجسم يلف من فوق او العكس وده بيعرض الصليبي وكمان الغضاريف اللي في الركبه انه يحصل فيها اصابه والاصابه بتحصل دايما في الرباط الامامي مش الخلفي والشكل التوضيحي هيبين قصدي

 

 

أصابة الرباط الصليبي تصيب الرياضيين وغير الرياضيين بس هو شائع اكثر للرياضيين وده بسبب الالتحمات القويه في الالعاب الرياضيه المختلفه وفي اسباب اخري للرياضيين هنحاول نقولها سريعا

1- (ضعف العضلات) العلم اثبت ان 80% من ثبات المفصل بيعتمد علي العضلات و20% علي الاربطه والغضاريف فبالتالي لو العضلات ضعيفه هيسمح للمفصل انه يكون معرض لحدوث اصابة الرباط الصليبي

2- (عدم اتزان قوة العضلات المحيطه بالركبه ) يعني لاعب يهتم بتقوية العضله الاماميه جدا ويهمل الخلفيه مثلا وعلميا اصلا العضله الخلفيه تشريحيا وعمليا ليها دور كبير في ثبات الرباط الصليبي وعدم حدوث اصابات فيه

3- (سوء ارضيات الملاعب ) في ملاعب كثير حاليا نجيله طبيعي وصناعي بس بتبقي سيئه يعني الطبيعي نلاقي انها في حفر مثلا ممكن تخلي اللاعب عرضه ان رجليه تقع في الحفره  وتثبت وجسمه يلف عكس اتجاه المفصل فتحصل الاصابه

4- (الاصابه المباشره) يعني اثناء التنافس الرياضي يحصل اللتحام بين الرياضيين ممكن ينتج عنه نفس اسلوب حدوث الاصابه اللي قولنا قبل كده

5- (التشوهات القواميه) اللاعيبين اللي بيبقي عندهم تقوس في الركبتين نتيجة ان وزن جسم الانسان مش متوزع بالتساوي علي الركبتين وده علشان شكل العظم متغير ده ممكن ينتج عنه نتيجة اي حركه مفاجأه غلط للمفصل انه يحصل  الرباط الصليبي

وفي اسباب كثير تاني لحدوث الاصابه بس حبيت اوضح اهم الاسباب

 

 

ايه الاعراض اللي لو حصلتلي لشخص مصاب اشك اني عندي مشكله في الرباط الصليبي

في اعراض بتحصل وقت حدوث الاصابه مباشرتا للركبه سواء كان صليبي او اي اصابه ثانيه للركبه وهي حدوث الورم والارتشاحات والاحمرار والالم الشديد ومحدودية الحركه وسخونة المكان اللي حصلت فيه المشكله دي الارعراض المبدئيه اللي تخليني اشك ان في مشكله في الركبه سواء صليبي او اي اصابه ثانيه

 

وفي اعراض بعد الانتهاء من مرحلة الحاده اللي ذكرتها في الاول واولها واهمها

عدوم ثبات مفصل الركبه اثناء الحركه بمعني الكلمه المشهوره ركبتي بتخني يعني بيحس ان رجليه سابت مره واحده وانه هيقع  وبردو من ضمن الاعراض ميقدرش يجري بشكل متعرج يعني يتحرك وهو بيجري بوشه يمين وشمال بسرعه علي شكل خط متعرج لان ده هيخلي ركبته تخونه بسهوله وممكن يقع فعلا وركبته تلف تاني وسعتها ممكن تحصل مشكله اكبر

 

ونعرف ازاي اني عندي صليبي ولا لاء علشان اتعالج منه اولا لازم نكشف عند دكتور عظام علشان بيعمل اختبار من خلاله بيعرف هل في قطع في الصليبي ولا لاء ثاني حاجه اشاعة رنين مغناطيسي علشان الاشاعه دي بتوضح كل مكوانات الركبه من غضاريف واربطه وعضلات فده بيسهل علي الطبيب المعالج معرفة هل في صليبي ولا لاء بعد كده نعرف هل الصليبي ده حصل فيه قطع جزئي ولا كلي وسعتها اساليب العلاج بتختلف

في مدرسه بترجح ان القطع في الصليبي سواء جزئي او كلي لازم يتم عمل عملية لتغير الرباط

وفي مدرسة بتقول لو القطع جزئي ممكن نقوي العضلات كويس ويكمل لعب وهو فيه القطع الجزئي عادي

هنا لازم نوضح معلومه مهمه ان الرباط الصليبي لو اتقطع مش بيلتئم ابدا  سواء جزئي او كلي

 

تأهيله بيقعد 6 شهور لان الرباط  اللي اتحط مكان الرباط المقطوع مش بيلتئم فعليا  في العظام غير بعد 6 شهور علشان كده لازم اللاعب ميمرسش رياضه غير بعد مرور 6 شهور

سريعا اللي بيحصل في التأهيل

اول مرحله تمارين علشان تقلل الورم والالتهابات بجانب العلاج المائي وجلاسات العلاج الطبيعي علشان ترجع الثني والفرد كويس للمفصل

ثاني مرحله تقويات في الجيم بجانب التمارين السابقه في المرحله الاولي مع دخول الاتززانات لحفاظ علي اتزان الركبه

ثالث مرحله الاهتمام بعناصر اللياقه البدنيه سواء قوه سرعه رشاقه مرونه تحمل علشان اللاعب يكون جاهز بدنيا وفنيا للرياضه اللي بيلعبها

 

 

 

  أخصائي إصابات الملاعب والتأهيل الرياضي

تابع بوابة روزا اليوسف علي
جوجل نيوز