د.محمود مجدي يكتب عن :إلتهاب وتر الصابونة

هنتكلم النهارده عن أصابت شائعة بتحصل تقريبا في كل الرياضات خاصتا الجماعية زى كرة القدم وكرة اليد والطيرة والسلة 

طيب ايه الاصابه دي وايه اللي بيحصل الاصابه دي بتيجي في رباط بيبقي ماسك من عظمة الردفه الي جزء من عظمة القصبه والجزء اللي ماسكه فيها اسمها
عظمة الردفه (patella) 
عظمة القصبه (tibia) 
جزء من عظمة القصبه (Tibial Tubercle)

المهم الوتر ده لما بيتصاب بيبتدي يسبب ألم اسفل الصابونه نتيجة الضغط عليه وممكن يحصل احمرار زي ما موضح في الصوره والم شديد ممكن يؤدي ان الحركه تبقي محدوده عند الثني والفرد 
هنتكلم عن اهم الاسباب وهنتكلم عن الاعراض وهنتكلم عن العلاج والتأهيل بشكل سهل ان شاء الله

اول حاجه الأسباب causes))

1- أن العضله الاماميه تكون ضعيفه فده يخلي الحمل يبقي مباشرتا علي الوتر ده فيسبب المشكله اللي قلنها

2- القفز المتواصل يعني الرياضات اللي فيها قفزكتير (jumping) 
زي السله والطيره والقدم بس بصوره اكبر من اللاذم يعني الحمل الزائد

3- او العضلات تكون قصيره بصوره عامه (الاماميه والخلفيه والضامه والخارجيه ) ده من ضمن الاسباب الاساسيه اللي بتسبب المشكله دي

ثاني حاجه الاعراض (symptoms)

يعني ايه اللي اللاعب المصاب بيحث بيه علشان يعرف ان الاصابه دي عنده 
1- اولا بيبقي في اللتهاب في الوتر اللي اتفقنا عليه يعني ممكن يكون في احمرار وممكن لاء لكن نتيجة الالتهاب هيبقي في اللم في الوتر ده وهيبان اكتر لما تيجي تدوس عليه 
2- هنلاقي مدي حركي محدود خاصتا عند القفز وعند الجري هيبقي في ألم شديد ده لو كان الالتهاب كبير وممكن نلاقي ألم محتمل وده بيتقاس بنائا علي نسبة الالتهاب قد ايه

ثالت حاجه العلاج (treatment)

يعني ايه اللي نعمله لما نلاقي المشكله دي عندنا والعلاج اللي انا بقوله ده خاص بالجانب الرياضي وممكن نستخدمه علي الاشخاص الغير رياضيين

1- راحه لمدة من 2 الي 3 ايام 
2- ثلج علي المكان اللي في الاصابه من اول الاحساس بيها وتبقي مدتها 10 دقايق مش اكتر وميبقاش الثلج مباشرتا علي الجسم لاذم يكون في كيس او قربه يعني عازل بينا وبين الجسم علشان الانسجه ميحصلش ليها مشاكل ونستمر في وضع الثلج فتره من 5 الي 6 ايام 3 مرات في اليوم 
3- ربط المكان اللي فيه المشكله وانا هبين فديوا للربطه في اخر المقاله 
4- نستخدمة ultra sonic وده جهاز من ضمن اجهزة العلاج الطبيعي ونستخدمه بعد مرور 4ايام من حدوث الاصابه 
5 - عمل تمارين ثبات للاماميه وبعد مرور 3 ايام من تمارين الثبات للاماميه نعمل تمارين ثبات للخلفيه والضامه والخارجيه 
وهوضح الكلام ده بفديوهات 
6- عمل اطالات لعضلات الرجل كلها وده بيبقي في اليوم الثاني بجانب تمارين الثبات

ملحوظه

انا متعمد اكتب مواضيعي باللغه العاميه علشان احاول اسهل علي القاريئ عمليت الفهم

النقطه الثانيه المكان اللي فيه الاصابه تشريحيا اسمه رباط لكن المصطلح اللي شائع في الطب انه وتر يعني في ناس بتقول رباط علشان بيمسك بين عضمتين وناس بتقول انه وتر علشان ده مكمل لوتر الاماميه لاني ذكرة في الاول في الجزء التشريحي انه رباط وبعد كده اتكلمت عنه انه وتر

الموضوع من كتابتي شخصيا وحبات اكتبه بالعاميه للتسهيل علي اللاعبين او غير اللاعبين