طفئ الأنوار

لكل اللي لسه ميعرفش إيه هي المبادرة العالمية لإطفاء الأنوار  ساعة الأرض.

ساعة الأرض هي حدث بيئي عالمي بيأكد على قوة الفرد في حماية البيئة و يعرفنا أن العمل البسيط تأثيره على البيئة كبير و ده من خلال إطفاء الأنوار  و التخفيف من استهلاكنا للطاقة يوم السبت الأخير من شهر مارس من كل عام من الساعة 8.30 الى 9.30 مساءً و اللى  بيوافق 24 الشهر ده..

 و ساعة الارض هي مبادرة عالمية بدأت في استراليا عام 2007 وكانت مصر تانى مشارك عربيا بعد دبى عام 2009  شارك فيها أكثر من 2.5 مليار فرد فى  180 دولة حول العالم 

و ليه بنعمل كدا .......

العالم كله دلوقت بيعاني من آثار تغير المناخ و الاحتباس الحرارى اللى من أسبابه أسلوب حياتنا و إسرافنا فى استهلاك الطاقة  من غير اهتمام بحق البيئة والأرض و مواردنا  اللي عايشين عليها و اللى تلوتها  و نقصها   هيفرق  معانا كتير و هنقول ساعتها يا ريتنا....

عشان كدا   مشاركتنا فى ساعة الأرض بتأكد على احساسنا بأهمية دورنا فى حماية البيئة مهما كان  بسيط .

أنا حدعم مصر والعالم فى  حماية البيئة

 أنا حشارك فى ساعة الارض ... أنت هتعمل إيه؟

شارك معانا بساعة الأرض و خفض إضاءتك يوم  السبت  24 مارس من الساعة 8.30 الى 9.30 مساء