يعني إيه راجل ليه شنة ورنة (فيديو)

كتبت - سماح زيدان

بنسمع كتير عبارة ده راجل ليه شنة ورنة تعبيرًا عن أهمية الشخص اللي بنتكلم عنه لكن يعني إيه شنة ورنة؟

الكلمتان دول أصلهم فرعوني، كلمة "شنة" أصلها كلمة "شن" وهو الإطار الخارجي أو الخرطوشة اللي بيتكتب فيه اسم الملوك بس، وقبل ابتكار الـ"شن" أو الخرطوشة اسم الملك كان بيتكتب ضمن الكلام على الجدران من غير تمييز وصعب الوصول ليه وتم عمل الإطار أو الخرطوشة لتمييز الاسم الملكي بكتابته داخل الخرطوشة أو الشن، والاسم الملكي اللي بيتكتب داخل الخرطوشة اسمه "رن" يبقي "شن" يعني خرطوشة و"رن" يعني اسم

و"شنة ورنة" معناها أنه راجل في منزلة الملوك له "شن" و"رن" يعني له خرطوشة تحتوى على اسمه كالملوك وله مقام كبير.