شاهد كيف ردت سما المصري على الشامتين في مرضها

كتب - بوابة روز اليوسف

علّقت الراقصة سما المصري على ردود أفعال المصريين الساخرة عقب سماعهم نبأ مرضها، والتي كانت عبارة عن تذكر "سما" لله في وقت المرض، ونسيانها له وقت الشفاء.

وقالت المصري عبر حسابها الشخصي على "إنستجرام": “الحمد لله على كل اللي يجيبه ربنا، بالنسبة للناس اللي بتقولي هو اللي زيك فاكر ربنا؟، أحب أقولهم أولًا محدش عارف إيه العلاقة بين أي بني آدم وبين ربه، ثانيًا لو أنا مش فاكرة ربنا فهو فاكرني، وفاكر كل عباده، ومش عيب لما نمرض نفتكر ربنا أكتر من أي وقت"

واستعانت سما بقول الله تعالى “وإذا سألك عبادي عني فأني قريب أجيب دعوة الداعي إذا دعانِ"، قائلة: "سيبوا علاقتي بربنا ليّا لوحدي أنا اللي هتحاسب لو بعمل حاجة غلط مش إنتم، والمرض بتتعرض له المحجبة والشيخة وأي حد، مش أنا بس"

وأردفت: "الناس فرحانة وعمالة تقولي تستاهلي، عيب عليكم افتكروا إن ربنا لو أحب عبده ابتلاه وأنا ربنا بيحبني، حتى لو بعمل الغلط، وهو اللي قادر يهديني مش كلامكم، وتجريحكم فيّا حتى في مرضي"

واختتمت: "تخلّقوا بأخلاق الرسول، وبلاش شماتة عشان شماتتكم دي بتاخدوا بيها ذنوب من عندي وتبقى ذنوبكم أنتم، وأنا اللي باخد حسناتكم، واتقوا الله المرض مفهوش شماتة، ولا له كبير وداين تدان، ربنا يهديكم ويسامحكم ع الشماتة فيّا”"

وكانت سما المصري تعرضت لوعكة صحية، دخلت على إثرها المستشفى، بسبب الوجبات السريعة والأكل خارج المنزل.