احتفاء السوشيال ميديا بـ"مذيعة متلازمة داون" في أولى حلقاتها على dmc

كتبت - هند عزام

في أول يوم عملها كمذيعة رسمية بالقناة حازت اهتمام رواد السوشيال ميديا وصاحبتها فرحه لنجاح رحمة وهي من ذوي الاحتياجات الخاصة مصابة بمتلازمة داون وتبلغ 22 عاماً وهي بطلة رياضية في التنس والسلة والسباحة.

وقالت رحمة: "النهارده أول ظهور ليا كمذيعة.. أنا مبسوطة جداً وحاسة إني معاكو وأنت معايا يا رامي حاسة أنه بابا واقف معايا.. أنا عملت حوارات هتتذاع.. ومن غير نفسنة في حوار من العيار التقيل مع الفنانة الكبيرة يسرا ولسه في مفاجآت تانية

ومن جانبه قال الإعلامي رامي رضوان في حلقه اليوم: "أحب أقولكم ليه إحنا اختارنا رحمة لامتلاكها طاقة إيجابية ومشعة، ابتسامتها تشعرك أن الدنيا نورت، ومثابرة، وبطلة رياضية عنيدة عندها أكثر من 170 ميدالية، لما بتحط حاجة في دماغها مش بتسبها، وعلى ما يبدؤونها كانت عاوزة تبقى مذيعة في 8 الصبح، وماسبتهاش غير لما نالتها، كما أنها تلقت تدريب الفترة اللي فاتت وعلى أساسه بدأت شغلها، ورحمة هتقعدنا في البيت قريب".

ومن جانبها قالت آية جمال الدين مذيعة البرنامج: "رحمة من النماذج المبشرة جدًا، واستديو 8 الصبح نور النهارده.