كارمن رحال تكتب : رسالة من شهيد
أوعاك يامه تلبسي توب الحداد
عارف جليبك لما يحزن ينفطر
بئا تحزني وابنك يا غالية بتوب عريس
وبأيده حورية من الجنة تخلي الليل الغطيس
نهار وشمس.. ما ينطفيش
لو شفتي اللي حصلي يامه وزفتي
ولا مكاني بالحنان وعزوتي
ليكون جليبك من حديد
وتقولي كل بطني يا رب كل وِلدي للبلد
بيكون عريس
جتلك يا أم الولد لأمسح بتوب العرس دمعتك
نسيتي يامه؟! نسيتي يامه أرضنا؟! ووصيتك
أرضك دي عرضك يابن بطني
أوعاك تكون بيوم ضعيف
ولا تخلي على وشها أبدا خسيس
عارف أنه جليبك من الوجع شاجك عليه طرحته
عارف إني كنت لعينك وقلبك فرحته
لكن يا حبة قلب ولدك زرغتي
زفتي اليوم.. ما كنت أحلم أنه فيه كده متلها.. في الدنيا ولا في الكون زفة عريس.
فاكرة يامه لما جيتلك بالشهادة
قلتي لي إيه.. قوم وبدل توبك دا انت اليوم صابح عريس.
إيه قولك بئا بشهادتي اليوم يا غاليه؟!!
ما تستحق منك توب فرح
زغروتة حلوة بتنطلق
لأحلى عريس
فينه بوي ياماتي من ليلة ما جاكم الخبر مرجعش ليه؟!!
لساته بيدور عليّ بين اللي رايح واللي جاي
لساته ما مصدق أن ولده خلاص كبر
وإن فارق الدار القديم.
ما هو كان ضروري ياماتي
لأجل يرفع راسه بالبلد
ديما يقول خلفت أنا ولد
وإنتي تقولي
ندراه يا عمري للبلد
توب بوي الجديد طلعيه.. ليلبسه
يركب حصانه كما الفارس ويمشي مشيته
حقه يامه حقه يامه يتباهى بخلفته.. بين جيرانه وعزوته..
هي الجنان بتاخد غير اللي بذرته ونسله تمام... قومي يا غالية وزرغتي دا وِلِدك
ولد رجال ولدك تمام.
كنت باعتلك من يومين مكتوب مع شبراوي دفعتي.......
بستعجلك فيه
تروحي وتخطبي آمنة جارتنا
عارفة إنه جلبي كان رايدها من زمان
عارف إنه مكنش لادد عليكي فرقتي
عارف يا جلبي دلوقت غصبن عن حبيبتي زفتي.....
بس آه ياماتي
لو شفتي اللي حصلي بالجنان
شيء يخلي العقل في التوهان
وإنتي وآمنة وبوي
والكل واحد بلاذان
الله أكبر عل جنان
الله أكبر عل جنان
دعوتك ياماتي ليه اتحققت
ربي يرزقك بعروسة من الجنة
آمنة دي إيه يا ولدي
إنت تستاهل
حورية من الحور الحسان.. فاكره يامه.. فاكره يامه، أهه جه أوان الدعوة تستجاب وتتحقق كمان.
مش كنت نادرة الندر لليوم التمام؟!!
يلا يا غالية زرغتي ووزعي ندرك كمان
ولدك رفع راسك وعلا ضحكة الأوطان
وأخويا بكرة راح يكمل طريقي وسكتي
وإنتي خلاص
يام الرجال الكل يتودد لكي...
حتة منك واقفة على باب الجنان روحها فيكي بتناديكي نيالك يا غاليه
الجنة ليكي فيها قصر
بس اصبري وهلللي وكبري
مع كل عصر...
واوعاكي تقولي
وأوعاكي تقولي تاني ابني مات
ولا عيونك تذرف الدمعات
أوعدك يا أمي لاجيلك ليلاتي بالمنام
وأبوس جبينك
وأحكي وياكي
وتقوليلي كان وكان
بس اخلعي توب الحداد
وأوعاكي تقولي تاني ابني مات
الشهيد عمره يا غاليه بيوم مامات
واللي مات دا اللي خان أرضه وباع عرضه
غاضب عليه رب الدنيا في السموات
وختامي ليكي يا غالية
ده مسك الختام
ليكي يا أم الوِلد
من الجنة ومن قلبي
وملايكة الرحمن تبعتلك كمان
مليون سلام
شعركارمن رحال
جوجل نيوز
