السقا ينتهي من تصوير مسلسله عشية رمضان
كتب - محمد اسماعيل
في الوقت الذي تسابق فيه المسلسلات الزمن، للانتهاء من التصوير قبل حلول شهر رمضان، انتهى الفنان أحمد السقا من تصوير مسلسله "ولد الغلابة".
فقد استطاع فريق عمل مسلسل السقا، الانتهاء من تصوير العمل قبل انطلاق السباق الرمضان بيوم واحد.
وأعلنت بطلة المسلسل الفنانة مي عمر انتهاء تصوير مشاهد المسلسل بالكامل، والذي تخوض به الماراثون الدرامي بجانب السقا، حيث كتبت على فيس بوك: "كل سنة وأنتو طيبين الحمد الله فركش مسلسل ولد الغلابة.. هتشوفوني في دور فرح، دور مختلف تماما عن أي حاجه عملتها قبل كده أتمنى يا رب يعجبكم وتستمتعوا بالمسلسل".
وتابعت مي عمر: "شكرا لكل فريق العمل اللي بجد تعبوا وعدوا بأيام كتير أوي صعبة ومجهدة علشان المسلسل يطلع للنور. الأستاذ صادق الصباح والأستاذ أنور الصباح شكرا على ثقتكم ودعمكم ليا طول الوقت. الأستاذ أحمد السقا بجد مفيش كلام يديك حقك على اد احترامك وطيبتك وخوفك على زمايلك وحب الخير ليهم؛ تواضعك وحبك لشغلك هو سر نجوميتك، حقيقي الشغل معاك إضافة كبيرة لأي ممثل".
كما تطرقت مي عمر للحديث عن زوجها مخرج المسلسل محمد سامي، قائلة: "أستاذي ومعلمي شكرا على المجهود الجبار اللي عملته معانا كلنا، دايما الشغل معاك متعة فظيعة أنت بتخلي الممثل يصدق ويستمتع بكل مشهد بيعمله بكل تفاصيله. على أد التعب والمجهود على أد ما هتوحشني فرح بكل تفاصيلها".
جوجل نيوز
