عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

فاطمة عبدالواسع تكتب: أنا ريفية مصرية

فاطمة عبدالواسع تكتب: أنا ريفية مصرية
فاطمة عبدالواسع تكتب: أنا ريفية مصرية

بيقولوا من زمان إن الجدعنة فيا.



أصل أنا بنت أصول ومتربية.

عشت مع أبويا وأمي في بيت صغير مع عيلة قروية.

قروية يعني بساطة وأحترم الصغير وكلام الكبير يمشي عليا.

أحب أخدم أهلي من قلبي من غير ما تتكسر عنيا.

أسمع كلام أخويا حتى لو أصغر مني وعمر ما ايده اتمدت عليا.

اتعلمت في مدارس حكومية وذاكرت والمقشة في ايديا.

لا عمري كليت ولا ندمت على أصلي حتى لو دخلت الجامعة الأمريكية.

حلوة بأدبي وأخلاقي ولا بعوج لساني حتى لو قالوا عليا فلاحة شوية.

أتجوز فقير أتجوز غني أفضل معاه أفضل معاه لحد ما يفرجها ربنا القوي.

أكلي بسيط وعيشتي أبسط مانا اتعلمت الكلام ده في الكتاتيب.

أملي كبير وحلمي أكبر إن ولادي

 يستروني لما أكبر

ما هو علمتهم على الشهامة والأصول وقولتلهم أصل المبادئ ما تتجزأ.

وعلمت بنتي إن حجابك حتة منك.. الكلمة من لسانك لجام ليكي ولأي إنسان.

قبل ما تقوليها تفكري فيها وقبل ما تضحكي تختشي.

سيرتك حياتك وحياة أولادك من محياكي لمماتك.

ما تبصيش لفوق وبصي قدام عينك.

إلي فوق بعيد عنك لكن إلى قدامك ممكن يكون في يوم من نصيبك.

ارضي بالي ربنا مدهولك ده لو رضيتي بيه ربنا هيصونهولك.

وعلمت ابني الولد إزاي تكون لأمك وأبوك وأختك وأهلك سند.

مش بالزعيق ولا الضرب ولا بالشنب.

الرجولة مش محتاجة خيل ولجام.

الرجولة محتاجة حب العباد.

اللي بييجي بالرضا وفهم تعاليم الرحمن.

كمل يا ولدي مشوار جدك وأبوك وراعي ناسك واعرف الأصول.

عمر الإنسان مش بالمال ولا القصور.

عمره بسيرته وقفته جنب الغلابة ومجالسته لأصحاب العقول.

جلبيتك مش عار وعمتك والسروال.

إوعاك تمشي ع الموضة وتقطع البنطال.

كدة هيبتك راحت وسط الرجال.

 ويوم ما تحب حب بنت بلدك اتربت زيك وما تنساش إنها هتبقي أم العيال.

العيال إلى هتشيل اسمك وتعليه للعنان.

وبكرة تقول يا أمي كلامك كان ياقوت ومرجان.

تابع بوابة روزا اليوسف علي
جوجل نيوز