عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

أحمد سعد: سمية الخشاب ضحكت عليا

أحمد سعد: سمية الخشاب ضحكت عليا
أحمد سعد: سمية الخشاب ضحكت عليا

كتب - محمد اسماعيل

نفى الفنان أحمد سعد، رفع طليقته الممثلة سمية الخشاب قضية طلاق عليه، مؤكدا أنه هو من قام بتطليقها غيابيًا دون إخطارها.



وأوضح سعد في تصريحات تليفزيونية، أن الخشاب لم تكن تتوقع قرار الطلاق، مؤكدا أنها لم تطلب الطلاق ولو لمرة واحدة، مضيفا: "مكانتش تعرف اني هطلقها.. وإلا كنت طلقتها حضوري.. وعمري ما أعيش مع واحدة يوم طالبة الطلاق مستحملهاش على نفسي ومقدرش أعمل كدا".

وأشار سعد إلى أنه تعرض للخداع من قبل طليقته قائلا: "هي ضحكت عليا وأنا آمنت لها جامد بكل ما أملك وأنا كنت محتاج لها في الفترة ديه.. كنت محتاج ست، أنا راجل مهرجل وحياتي غير منظمة، وكنت بشتغل كويس وبكسب كويس ومضيع، وكنت محتاج للأمان وست يتآمن لها وهي كانت أمينة جدا على فلوسي".

وتابع: "كنت بعمل حفلات في المحافظات وأرجع أديها الفلوس وأحط القرش على القرش.. جت قالتلي أنت لازم تجيب بيت ملك.. وأنا بأمان شديد قولت لها اكتبي البيت باسمك والشيكات عشان إنتي اللي بتروحي تسددي كل شهر القسط، ولما أقولك إبقى انقلي الملكية ليا إبقى اعملي كدة".

وأضاف: "أنا طلبت منها كده عشان مكنش عندي دفتر شيكات ومليش تعاملات مع البنوك.. لكن لما طلبت منها تنقلي ملكية البيت رفضت.. أنا كنت بختبر أنا عايش مع مين وبجس النبض.. فرفضت وقالتلي أديك حقها ده بعد ما الشقة غليت عن تمنها اللي أنا اشتريته به.. وفي الآخر اديتني شيك بربع تمنها وقالتلي إذا كان عاجبك".

يذكر أن أحمد سعد وسمية الخشاب أعلنا انفصالهما في مارس 2019، وسبق لسعد الزواج من الممثلة المصرية ريم البارودي.

 

تابع بوابة روزا اليوسف علي
جوجل نيوز