عاجل
الخميس 28 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

أول تعليق من مي عز الدين على السخرية من مسلسلها

أول تعليق من مي عز الدين على السخرية من مسلسلها
أول تعليق من مي عز الدين على السخرية من مسلسلها

كتب - محمد اسماعيل

بعد الضجة الواسعة التي أحدثها مسلسل "البرنسيسة بيسة"، خرجت النجمة مي عز الدين عن صمتها لتعلق على الانتقادات الساخرة مسلسلها الجاري عرضه حاليا.



وقالت عز الدين في البيان: "سعيدة بردود الأفعال الإيجابية، والسلبية "على فكرة"، لأن الاختلاف على شيء "فحد ذاته نجاح يبين أنك معملتش حاجة معتادة ولا استسهلت وعملت حاجة عادية علشان تبقى في الأمان، ولا مرت مرور الكرام بدون ما حد يعلق عليها".

وأضافت: "19 سنة تمثيل لما مرة حاجة بنقدمها يختلف عليها الآراء والكل ميستوعبهاش ده إنجاز صعب جدًا، لأن صعب إرضاء كل الأذواق 19 سنة كاملين.. مبسوطة بالناس اللي بتحب الشخصيتين وأخدوا عليهم مع الفرجة كذا يوم وبقو حاسين ان دي طريقة بيسة ودي طريقة سكسكة وحاسين بالمجهود اللي اتبذل فيهم، وسعيدة بالأطفال اللي بتحب سكسكة علشان كنت خايفة يخافوا منها علشان كدة خليت ادائها عكس شكلها وصوتها كوميدي مش تخين".

وتابعت مي عز الدين: "سعيدة بالناس اللي مركزة ان المسلسل كوميدي بس بيقول رسائل كتير تخص غلاء المدارس والخوف من فقدان الطفل هويته العربية وإنتماءه لبلده وغلاء أسعار أتوبيسات المدارس والأرقام الفلكية اللي بتتصرف لمجرد أداء امتحان القبول في المدارس الغالية وغيره.. ومبسوطة بالناس اللي بتحب الشخصيتين وأخدوا عليهم مع الفرجة، وسعيدة بالناس اللي حابين مي أكتر في الأعمال الرومانسية وأوعدهم نعوضها في العمل اللي بعده بإذن الله".

وألمحت مي عز الدين إلى مكيدة تحاك ضدها من خلال حسابات مزيفة، حيث اختتمت بيانها قائلة: "أنا لسه مخلصة تصوير من يومين.. وتعبانة فوق الوصف عن أي مرة علشان كدة مش قادرة أفتح الإنستجرام كتير وبالنسبة للكومنتات فيه في النص وسط الناس الطبيعية حاجة غريبة كدة من أكونتات مش سليمة ومش بتاعت ناس حقيقية فاهكون بفتح الكومنتات ساعات وأقفلها زي ما بعمل في الأجازة كتير".

تابع بوابة روزا اليوسف علي
جوجل نيوز