تامر حبيب يكشف حقيقة دخول رجاء الجداوي العناية المركزة

كتب - محمد اسماعيل

 طمأن المؤلف والممثل تامر حبيب محبي الممثلة القديرة رجاء الجداوي بشأن حالتها الصحية، نافيا دخولها إلى العناية المركزة.

 ونفى حبيب إصابة الجداوي بجلطة في المخ، إذ قال عبر فيسبوك: "ذكرت قليل من الصحف و المصادر الصحفية أن الأستاذة الجميلة وأمي الثانية رجاء الجداوي قد اصيبت بعد ألف شر بجلطة في المخ وأن هذه الإصابة تركت لديها أثراً ضخماً مش عايز حتى أقوله علشان مافولش على الست اللي هي الحمدلله زي الفل.. الكلام ده ليس له أي أساس من الصحة".

وأوضح تامر حبيب حقيقة الحالة الصحية للجداوي قائلا "كل اللي حصل انها تعبت تعب بسيط بسبب مجهود الصيام والسفر في اليومين اللي فاتوا وعلي اثره عملت check up  والحمدلله كل وظائفها سليمة ومافيهاش أي حاجة تقلق، ومادخلتش العناية المركزة ولا حتي خمس دقايق كما ذُكر".

وتابع "كفاية والنبي بقي، وتبينوا تبينوا تبينوا انا في عرض دين النبي علشان الأخبار دي بجد مؤذية و مؤلمة و هي اللي ممكن تأثر علي صحة الناس بالسلب... و يا رب دايماً في احسن صحة و زي الفل يا جوجا يا حبيبتي".

وبوابة روزاليوسف تتمنى السلامة دائما للفنانة الرقيقة رجاء الجداوي