محمد عادل إمام: مش سهل إن الواحد يثبت نفسه في مجال "أبوه"

كتب - محمد اسماعيل

قال الفنان محمد إمام نجل الزعيم عادل إمام، إنه من الصعب إن يثبت الفنان موهبته بعيد عن لقب والده، مؤكدا أنه لم يلتفت للعديد من الانتقادات، التي طالت في بدايه مشواره الفني.

وأضاف نجل الزعيم في منشور عبر حسابه بموقع إنستجرام: "شيء مش سهل إن الواحد يثبت نفسه في نفس مجال أبوه.. خصوصًا لو الأب مش بس ناجح لا ده كمان عدى مرحلة النجاح ووصل لمكانة ماحدش غيرُه وصلها".

وتابع محمد إمام: "اتهاجمت كتير واتحاربت أكتر.. بس عمري ما ركزت مع أي هجوم أو إحباط.. كان كل حياتي وتركيزي في شغلي"، مضيفا "مجهود كبير في سنين كتير علشان أثبت نفسي في شغلانة بحبها من كل قلبي بس جمهورها مش بيرحم وصعب جدًا ابن فنان ينجح فيها لحد مانتوا اللي خليتوا أفلامي من أعلى الإيرادات ومسلسلاتي من أعلى المشاهدات".

واختتم إمام حديثه قائلا: "شكرًا لكل اللي وقف جنبي وشجعني.. أنتوا السبب بعد فضل ربنا سبحانه وتعالى اني أمضي عقد بأعلى أجر في مصر.. وشكرًا لكل اللي حاربوني.. أنتوا خلتوني أقوى بكتير.. فا خلوا بقى موضوع الزعيم على جنب وخلونا نشوف أكل عيشنا".