"استاد الرعب".. عبد الظاهر السقا يقدم "تميمة فوز" منتخب 2006 لفراعنة 2019 (فيديو)

كتبت - سمر سيد

وجه الكابتن عبد الظاهر السقا، كابتن منتخب مصر الأسبق، رسالة إلى لاعبي المنتخب المصري، قبل خوضهم بطولة كأس الأمم الإفريقية المقرر انطلاقها في مصر يوم 21 يونيو المقبل.

قال الكابتن عبد الظاهر السقا، في مداخلة هاتفية ببرنامج "time live"، المذاع على فضائية “time sport”، إن استاد القاهرة هو سلاح قوي للعيبة المنتخب المصري، ويجب عليهم استغلاله جيدًا فهو يُسمى "الاستاد المرعب" في إفريقيا، قائلًا: "استاد القاهرة في إفريقيا اسمه استاد الرعب، الرعب ده للمنافس مش لينا اللعيبة لو مخدتش العنصر ده بشكل كبير واستعملته هتفقد 60% من قوتها".

وأشار السقا، إلى النصائح التي كان يوجهها إلى لاعبي المنتخب الجدد في بطولة 2006 التي أقيمت على أرض مصر قائلًا: "انتو بتلعبوا في بلدكم، ولازم الإحساس ده يوصلكم بشكل كبير جدا، وده السلاح اللي بتلعب عليه كلعيب، لما تنزل استاد القاهرة وتشوف قدامك 100 ألف ميبقاش ضغط عليك يبقى ضغط على المنافس، كنا دايما بنقول للعيبة الصغيرة كده في 2006 ده جمهورنا اللي بيرعب المنافس مش بيرعبنا احنا".

وتابع قائلًا: "إحنا في2006 مكناش احسن منتخب، لكن كنا احسن جمهور محتاج البطولة عشان كده استخدمنا الجمهور والملعب بتاعنا ضد المنافس، فكسبنا كل مبارياتنا وتألقنا لأننا مكناش داخلين في أول ماتشاتنا بمستوى عالٍ، كنا أجيال متجمعة".

وأكد كابتن عبد الظاهر، ضرورة استخدام لاعبي المنتخب المصري استاد القاهرة كسلاح، فهو من أقوى الأسلحة التي تم استعمالها في 2006، قائلًا: "استاد القاهرة سلاح من اقوى الأسلحة اللي استعملناها في 2006 كسبنا البطولة بفضل ربنا ثم الجمهور ثم استاد القاهرة".