عمرو الجنايني: "أنا معرفش كلمة فشل"
كتب - شريف كمال
رحب عمرو الجنايني، رئيس اللجنة المؤقتة لإدارة اتحاد الكرة بالمنظومة الإعلامية، الركن الأساسي في العمل الرياضي.
وقال الجنايني في المؤتمر الصحفي المنعقد الآن بمقر اتحاد الكرة: "لا يخفى على أحد إننا اتنكدنا من بطولة إفريقيا".
وأضاف: "ماحدش هيجي بعصا سحرية، كُل اللي هنقدر نعمله في الفترة المقبلة هي النظام والعلم والاجتهاد والالتزام".
واردف: "لو هنخطط صح وهنجتهد وهنشيل أي أغراض أو مجاملات، هننجح.. عايز أطمن الناس، إن الموقف اللي إحنا فيه مش صعب، بالعكس سهل جدًا لو اشتغلنا صح، هننجح".
وواصل: "مافيش حد في اللجنة الخماسية عرف الفشل قبل كده، إحنا عارفين الناس اللي نجحت قبلنا عملت أيه وهنعمل زيهم، اللوائح هتتنفذ على أي حد وده مايزعلش".
واستكمل: "إحنا وزعنا علينا شوية ملفات ساخنة -يقصد أعضاء اللجنة الخماسية- فيه اجتماعات دائمة لينا عشان نعدي من النفق ده ماعندناش حل تاني يا جماعة غير إننا ندعم بعض، مش وارد إن حد هيجي يوم يقولنا أنتوا ظلمتوا أو جاملتوا حد، أنا ماعرفش كلمة فشل".
جوجل نيوز
